Bespreking:Kalahari se Acacia-Baikiaea-boomveld

Page contents not supported in other languages.
in Wikipedia, die vrye ensiklopedie

Afrika Acacia's[wysig bron]

@JMK:, Sien Acacia's. Moet hierdie groep se naam aangepas word by die nuwe name nl. Vachellia en Senegalia? Groete! Oesjaar (kontak) 12:16, 9 Junie 2023 (UTC)[antwoord]

Nee, sou dit om verskillende redes nie aanpas nie. Eerstens is daar die breër en nouer begrip van Acacia soos mens ook by verskillende ander taksa (en tewens by Fabaceae, kyk bv. boom) kry. Acacia sensu lato sal die twee inheemse doringboom-genera van hierdie streek mooi omvat.
Wat "Acacia sensu stricto", Senegalia en "Vachellia" betref word daar baie verwarring gesaai deur bevooroordeeldes. Baie mense glo byvoorbeeld dat daar gestem is om "ons" Acacia in "Vachellia" te verander, maar dit was net 'n binnegroep agter geslote deure. Deur die breër gemeenskap is daar nooit oor gestem nie. Omdat die breër plantkundige gemeenskap beswaar gemaak het, is daar wel oor die binnegroep se stem gestem, en byna 55% stemme was daarteen (nié daarvoor). Hierdie stem is later bevestig.
Ook is die opsplyting van sg. "Acacia sensu stricto" en sg. "Vachellia" nie afgehandelde sake nie. Die reuse "Acacia sensu stricto"-genus gaan waarskynlik in vyf genera opgesplyt word, en ons sal moet sien waar die "Acacia sensu stricto" dan beland. Met Senegalia is daar terloops geen probleem nie, dis afgesplyt soos Faidherbia voorheen. Vir "Vachellia" is daar ook plek, soos aanvanklik beskryf, maar na my mening nie vir die plaaslike Acacias nie, wat ek en ander steeds Acacia noem. Die korrekte naam vir "Acacia sensu stricto" (die wattels) is terloops Racosperma. Die bruikbare name is dus Acacia, Senegalia en Racosperma, waar lg. beslis opgesplyt gaan word, en eersgenoemde miskien weereens. JMK (kontak) 13:52, 9 Junie 2023 (UTC)[antwoord]
Was terloops onlangs in gesprek hieroor met 'n Kaapse plantkundige wat jy soms as verwysing gebruik, om seker te maak dat ek van die nodige bewus is. JMK (kontak) 14:17, 9 Junie 2023 (UTC)[antwoord]