Bespreking:Links (politiek)

Page contents not supported in other languages.
in Wikipedia, die vrye ensiklopedie

Betekenis/Definisie van Links in die Politiek[wysig bron]

//Oor die algemeen dui die politieke konsep links op die "bevryding van burgers uit ou onderdrukkende strukture".// Dis dan duidelik dat hierdie 'n definisie is, wat linkses aan hulle self sal toeskryf. Dus is dit nie 'n definisie wat ALGEMEEN aanvaar sal word nie. Uit jare van studie onthou ek egter twee definisies van links/regs in die politiek:

1.) Links is diegene wat vir nuwe idees in die politiek staan. In Europa se verlede was dit byvoorbeeld demokrasie teenoor aristokrasie/monargie. Sosialisme teenoor markekonomie ens. Diegene wat 'n ou stelsel of ouer politiek waardes voorstaan sal dus 'regs' wees.

2.) Links is diegene wat die staat se ingryping in die samelewing wil vergroot hetsy deur regulasie van die ekonomie of dan deur uitbreiding van welsyn en burokrasie. Regs is dus diegene wat die staat wil kleiner hou en meer klem le op die verantwoordelikhede van individue of gemeenskapstrukture.

Mens mag dalk ook vra of hierdie links/regs indeling van die politiek, wat dit dan ook as 'n eendimensionele spektrum uitbeeld nie eintlik maar 'n ding uit die verlede is nie. Persoonlik sal ek se dat dit moontlik al na die tweede wereldoorlog sy betekenis verloor het. --105.12.7.43 18:28, 17 Augustus 2020 (UTC)[antwoord]