Bespreking:Nederlanders

in Wikipedia, die vrye ensiklopedie
Jump to navigation Jump to search

Aantal Nederlanders in Suid-Afrika[wysig bron]

Ek sluk maar swaar aan die idee dat daar 5 miljoen Nederlanders in Suid-Afrika woonagtig is, maar slegs 123 duisend in België. Eerstens is die aantal Afrikaners nader aan 3 miljoen, en tweedens kan hulle myns insiens nie as Nederlanders beskou word nie. Die Afrikaners is reeds tot 8 generasies lank in Suid-Afrika, en vele stam boonop van Duitse en Franse voorsate. Ebbe Dommisse skryf in sy biografie van Anton Rupert dat sowat 'n derde van die Afrikaners van Duitse herkoms afkomstig is. Ek het dus die spesifieke gedeelte (oor 5 milj Nederlanders in SA) uit die *Etniese Groep* boks gehaal. JCBrand (kontak) 20:15, 2 Januarie 2012 (UTC)

Ek het nou gaan kyk na die Nederlandse en Engelse artikels, en ek sien hulle gee twee verskillende getalle, 5 miljoen in die Nederlandse wiki en 7 miljoen in die Engelse wiki, omrede dat kleurlinge ook bygetel word. In die artikel oor kleurlinge staan geskryf dat genetiese studies aandui dat hulle van die hoogste vlakke van gemengde afkoms ter wêreld het. Kan mens dan steeds sê dat hulle etniese Nederlanders is? En wat dan nog van Afrikaners wat ook 'n redelike gemengde herkoms het? Wat dink julle? Groete JCBrand (kontak) 20:45, 2 Januarie 2012 (UTC)