Bespreking:Puyi

in Wikipedia, die vrye ensiklopedie
Jump to navigation Jump to search

Puyi se ouers[wysig bron]

In die artikel staan: "Hy word in 1909 op driejarige ouderdom as keiser gekroon nadat beide sy ouers oorlede is". Soos ek egter die geskiedenis verstaan, het sy ouers nog gelewe toe hy keiser geword het, was sy pa 'n prins van die Qing-dinastie en was Puyi nie die vorige oorlede keiser se kind nie. Die bloedjong Piyu het glo op aandrang van die baie invloedryke keiserin-regentes Cixi die troon beërwe, en sy pa sou selfs as keiser-regent in sy plek regeer het toe Cixi te sterwe kom. Ek is egter geen kenner van die Chinese geskiedenis nie en wil nie sommer daar krap nie uit vrees dat ek dalk kan verkeerd maak wat korrek is. As iemand net ook kan gaan kyk in die Engels en met my saamstem, kan ek die verandering aanbring (indien die persoon dit nie self doen nie!) Mieliestronk (kontak) 22:02, 14 Oktober 2019 (UTC)

Mieliestronk, jy is heeltemal reg. Jy kan dit gerus verander. ~ Burgert (kontak) 07:55, 15 Oktober 2019 (UTC)