Bespreking:Rekenaarwetenskap

in Wikipedia, die vrye ensiklopedie
Jump to navigation Jump to search

Wat presies is die verband tussen Rekenaarwetenskap en Ondernemingsargitektuur? Hoort dit nie dalk eerder by Inligtingstegnologie nie? --Alias 23:13, 11 Mrt 2005 (UTC)

Inhoudveranderings van 10 Julie[wysig bron]

Ek is bietjie ongelukkig met die rigting wat die artikel in verander het en verduidelik net gou die veranderinge wat ek aangebrin het. Die aanhaling van Dijkstra verduidelik mooi dat RW nie spesifiek oor rekenaars gaan nie, maar die definisie is aangepas om een van die beroemdste rekenaarwetenskaplikes juis hierin teen te spreek.

Rekenaarwetenskap is die studie van inligtingstegnologie naamlik: (meesal digitale) rekenaars (of kompers) en die programmering daarvan.

Inligtingstegnologie is slegs 'n deel van rekenaarwetenskap - die vergestalting van dit wat reeds moontlik is. Die oordrewe klem wat met hierdie definisie op programmering geplaas word is vir my ook bevraagtekenbaar. Hierdie definisie sluit moontlik dus ook velde buite inligtingstegnologie soos formele grammatikas uit - wat problemmaties is.

Dit behels die studie van beide elektroniese masjiene, apparatuur of hardeware en die gepaardgaande programmatuur of sagteware.

Hierdie beperk weereens rekenaarwetenskap tot dinge wat reeds bestaan. Dit maak ook skakels na vier onderwerpe waarvan die twee pare sinonieme is.

Ek het die bogenoemde inhoud probeer bywerk in die eerste sin.

daar is geen vakgebied wat hedendaags sonder rekenaars bestudeer word nie.

Ek glo nie dit is waar nie. Enige bron? Wat van tradisionele geneeskunde? En wat is die relevansie vir rekenaarwetenskap? Miskien relevant i.t.v. rekenaars, maar die wetenskap? Daar is waarskynlik ewe min disiplines wat sonder lessenaars bestudeer word.

In hierdie selfde sin het 'n wysiging ook die hele betekenis van die oorspronklike oomgedraai vanaf "[RW] verskil heelwat van wiskunde, [...] alhoewel dit heelwat in gemeen het" na "[RW] sluit aan by wiskunde ..." Die oorspronklike bewoording is juis relevant ten opsigte van die voorafgaande sin, aangesien die genoemde vakgebiede ook soortgelyke onderwerpe bestudeer, en hierdie sin dus wil duidelik maak dat die vakbebiede wel heelwat verskil.

Ek het ook die skakel na Ondernemingsargitektuur verwyder - ek sien nie wat hierdie met rekenaarwetenskap te doen het nie, en my vraag bo is nooit beantwoord nie. --Alias 18:55, 10 Julie 2005 (UTC)