Bespreking:Siener van Rensburg

in Wikipedia, die vrye ensiklopedie
Jump to navigation Jump to search

Die Boektitels oor Siener van Rensburg sluit in: 1.Stem van ‘n Profeet (deur Afriaan Snyman) 2.Siener van Rensburg : Boodskapper van God (deur Afriaan Snyman) 3.Teen die aand sal dit lig word (deur Afriaan Snyman) 4.Siener van Rensburg: Die Laaste Loopgraaf (deur Afriaan Snyman) 5.In die loopgraaf (Siener van Rensburg) (deur Afriaan Snyman) 6.Siener van Rensburg “Wat is die Waarheid?” deur F.H. Pretorius. 7.Wat kom na Siener? deur F.H. Pretorius.

Die Laaste Loopgraaf 1997/ 1999 VAANDEL/LEWENDE HOOP uitgawe (Siener van Rensburg oor sy volk se laaste groot stryd) boek geskryf deur Adriaan Snyman

"Siener van Rensburg - die laaste loopgraaf, is Adriaan Snyman se heel opwindenste toevoeging tot sy reeds uitgebreide publikasies oor ons eie Boereprofeet se visioene oor sy volk se eindbestemming. En hier maak die skrywer veral gebruik van nuwe verklarings wat betrekking het op gebeure soos: • prinses Diana se dood • asook die ”Duitse Patriotte” se oorlogsverklaring, •en die Boere staatsgreep. •Daarna beskryf hy ons Derde Vryheidsoorlog • en die inswering van ons eerste ware president van die Nuwe Boererepubliek: "En daar in die waterryke landstreek van Prieska kies ons toe ons eerste regering en ons eerste President.

"Die mense was verwonderd toe hulle hom in sy pluiskuil en manel sien verskyn; want hy was nie groot van persoon nie en ook glad nie oud nie, met min hare en groot wenkbroue en skerp oë, En baie was nog meer verwonderd toe hulle hom later in sy rytuig sien verbykom op die nuwe grootpad wat met Duitse hulp gebou is, want sedert die dae van Paul Kruger het hulle nog nie weer ”´n president in” ´n koets sien ry nie..."
In die Wes-Kaapse biblioteek kry ek ook die volgende resultate by die soekwoorde "Siener van Rensburg":
  • Niklaas van Rensburg - die Siener. A.W.G. Raath. 2011. Lapa.
  • Siener van Rensburg en die Rebellie. A.W.G. Raath & Nellie van Zyl. 1994. Afrikanervolkswag.
  • Profeet en krygsman: die lewensverhaal van Siener van Rensburg. Sybrand Botha. 19??
  • Siener van Rensburg : boodskapper van God. Adriaan Snyman. 1995-1996; 2004
  • Siener van Rensburg: die laaste loopgraaf. Adriaan Snyman. Vaandel. 1997.
  • Die Vierkleur wapper weer : die visioene van Siener van Rensburg. A.W.G. Raath & Nellie van Zyl. 1994.
  • Ek sien 'n rooi bul storm : die storie van ons sterfte en van ons opstaan - visioene van Siener van Rensburg. Adriaan Snyman. 1999.
  • Stem van 'n Profeet. Adriaan Snyman. 1993. Suidpunt (kontak) 08:22, 5 Februarie 2016 (UTC)

Hoe is 'n mens ongeletterd as jy kan lees én skryf?[wysig bron]

169.0.185.135 09:47, 17 Augustus 2016 (UTC)

Ek vind jou vraag uiters geldig, want in daardie geval is ons almal op een of ander wyse ongeletterd. Dink maar aan die Cyrillies en Hebreeus en Hindi en Arabiese lopende skrif. En selfs in Nederlands is ek ongeletterd: ek kan dit op B2 of selfs C2-vlak hoor en goed begryp, maar sodra ek my hand op die toetsbord plaas, versteen ek ter plaatse.

Ten eerste het die woord geen bron nie (ek het dit nie geskryf nie). Google ek die spesifieke sin lyk dit of Wikipedia van ander bronne woord vir woord gekopieer het, of vica versa.

Ten tweede, laat ons gaan kyk wat die WAT te sê het:

  • gelet’terdheid s.nw. Belesenheid; bedrewenheid in die lettere.
  • belesenheid s.nw. Kennis uit boeke geput deur baie te lees [en te studeer].
  • analfabeet
   I s.nw. Persoon wat nie die alfabet ken nie, nie kan lees en skrywe nie.
   II b.nw. Wat nie die alfabet ken nie, nie kan lees en skrywe nie: Verskeie van hulle was volkome analfabeet.
  • ongeletterd b.nw., ongeletterde; ongeletterder, ongeletterdste.
  1. Wat nie kan lees of skryf nie, of met baie min geleerdheid; dikw. sin. met analfabeet: Daar is 5 800 tale en dialekte in die wêreld en die berekening is dat 800 miljoen mense ongeletterd is (Landbw., 25 Apr. 1972, G2). Indien 'n geletterde persoon gedefinieer word as iemand met sewe jaar skoolopleiding, (is) byna 70% van alle werkers in die landbou ongeletterd (Sagtevr., Jan. 1991, 4). Hy (het) besluit om ... al sy ideale (om verder te gaan studeer) vaarwel te sê ter wille van haar. Hy wou tog nie 'n geleerde man wees met 'n bykans ongeletterde vrou nie (H.S. v. Blerk: Bantoms, 1949, 86). Die ongeletterdste gebruiker van Afrikaans ... (wat) hoed en hoede ken ... sal vanself tot die vorm agate kom (as hy die eerste keer agaat hoor) (W. Kempen: Samestelling, s.j., 359).

Vgl. ONGESKOOL.

  1. (t.o.v. diere) (ongewoon) Ongeleerd (ONGELEERD 2): Hierdie spul ongeletterde goed (jakkalshonde) is mos maar sommer krummels en niks werd nie, maar die beste jakkalsvanger ... het hy laas maand ... verloor (Sangiro in R.B. de Villiers: Mooi Land4, 1950, 82).
  2. (geselstaal) (verouderend; ongewoon) Ongeleerd (ONGELEERD 3). (Opgeteken in Fraserburg).

ongelet’terdheid s.nw.

Wat sien ons dus hier: 'n duidelike oorvleueling tussen "hoe baie jy lees en begryp en in intellektuele kringe bespreek en jou rinkelende koppie tee omroer, wegbly van Hineininterpretierung, nie die beskuitjie in die vloeistof doop nie, en interpretasies uithaal..." en "kan ek lees en skryf?". Ongeletterdheid in Oom Niklaas se geval, as ons die gerug moet glo dat hy niks anders as die Bybel gelees het nie, sou ek eenvoudig skryf hy het in geen ander boeke belangstel nie. Onbelese klink te skerp en tydsgebonde in die moderne 21ste eeu - want daarvan maak menig mense hulle vandag skuldig of kan nie anders nie (En waar moes hy 'n biblioteek in die hande kry?). My eie Oupa (geb. 1904) het slegs Standerd 3 gehad. Hy kon lees en skryf (wel iets tussen Nederlands en Afrikaans), het Christelike boeke gelees (hy kon nie veel boeke bekostig nie en biblioteke was nie in die onmiddellike omgewing nie), maar het hoofsaaklik geleer deur te luister en goed waar te neem en in te neem. Waarneming is nie iets wat jy uit boeke of prultydskrifte en -koerante kan leer nie.

Die vraag is ook: wat beskou ék, Suidpunt, as "belese" en "geletterd"?

  • Hoeveel ek van 'n onderwerp af weet (100% van 'n vakgebied)? Sulke mense noem ons dwepers of nerds of spesialiste.
  • Hoeveel ek 'n bietjie van alle onderwerpe weet? Sulke mense noem ons oppervlakkig of net goed genoeg om 'n toets in algemene kennis te slaag. Of afgerond.

Jy merk dus outomaties die "doublethink"?

Wel, vir my is iemand wat "belese" is 'n bebrilde iemand (met 'n serpie) wat Latyn tot in sy wortels ken en die inskrywings in marmer kan lees (wat, as verpligte vak in die Middeleeue alle skoliere "belese" maak), iemand wat tekste uit Sanskrit in sy slaap kan opsê (wat verplig was in Duitsland tot in die 1950's, as modegier uit die 1800's toe etimologie as't ware nuwe lewe ingeblaas is). Hoofsaaklik iets wat ek (nog! kom ons weet optimisties) nie kan doen nie. Soos jy kan insien word nuwe verwagtinge voortdurend gestel soos tyd verander. Suidpunt (kontak) 10:27, 17 Augustus 2016 (UTC)