Bespreking:Tierluislang

in Wikipedia, die vrye ensiklopedie
Jump to navigation Jump to search
Cscr-featured.svg
Hierdie artikel is deur die gemeenskap geïdentifiseer as een van Wikipedia se spogartikels en het vir die eerste keer tydens week 18 van 2014 op ons voorblad gepryk. Dit beteken egter nie dat die artikel nie verder gewysig kan word nie: voel vry om dit te verbeter of by te werk.

Een "Tierluislang" teenoor twee luislangartikels afsonderlik.[wysig bron]

Kollegas en lesers (skoliere en Jan Publiek), soos jul agtergekom het, is ek besig om luislangartikels te vertaal. Ek wil na die afhandeling van Afrika-rotsluislang (wat nog 'n tydjie gaan duur met "Gedrag" en "Voortplanting") die Duitse "Tigerpython" geleidelik begin vertaal ('n lywige een, ja), maar weet nie of ek die Indiese en Birmaanse luislang in een artikel moet behandel of moet skei in twee afsonderlike artikels nie.

Ten gunste van "tierluislang":

  1. Nog 'n voorbladartikel vir die Afrikaanse Wikipedia.
  2. Min mense ken die verskil tussen die Indiese en Birmaanse luislange (verwysing na Birma, vandag Mianmar). Deur die twee slange met mekaar te vergelyk in dieselfde artikel kan klarigheid gee. Hierdie slange is nie so maklik onderskeibaar soos bv. 'n jagluiperd van 'n luiperd nie.
  3. Die Indiese en Birmaanse luislange word al twee onder "tierluislang" verstaan. Die Nederlandse, Duitse, Noorse, Deense en Sweedse Wikipedia-artikels behandel al twee spesies onder een oorkoepelende naam (wat nuttig gebruik word as onsekerheid oor die identifisering van spesies ontstaan). As jy 'n peer saam met jou appel kan kry, waarom nie? Of reken dit so: dit is twee vlieë met een klap. Die benaming "tierluislang" is wel al in die media gebruik (Volksblad). Tierluislang is veral nuttig as jy kan sien 'n luislang is van Oosterse herkoms, maar kan nie die kop of patroon en daarmee die identifikasie eien nie.
  4. Dit is hinderlik om twee kloonartikels te skep met min of meer dieselfde inligting en bewoording. Die spesiestatus van die twee afsonderlike luislange is op grond van skubbe en velpatroon toegeken (na hewige kontroversie die afgelope 200 jaar). Al die ander data (behalwe geografie) stem so te sê ooreen.

Gekant teen "tierluislang":

  1. As mens varkwors soek, soek jy varkwors. Jy wil nie donkie, perd, skaap of krokodil byhê nie. As jy 'n motorhandleiding het, stel jy nie noodwendig belang in ander modelle van dieselfde fabrikaat se spesifikasies nie (behalwe dat jy tot jou ontnugtering agterkom jy kon beter gedoen het).
  2. Die Afrika-rotsluislang en Suider-Afrikaanse/gewone luislang stem nouliks ooreen. As hulle, as twee afsonderlike spesies, dan nie in een artikel behandel word nie, waarom dan die Indiese en Birmaanse luislang?
  3. "Tierluislang" is 'n koerantwoord wat in die Afrikaanssprekende volksmond onbekend is. (Of wat sê die WAT?).

Laat jul stem hoor.Suidpunt (kontak) 08:39, 4 Augustus 2013 (UTC)

Een artikel klink vir my goed. Soos jy sê, kan 'n mens dan sien daar is twee soorte en wat die verskil is. (Die WAT trek nou eers by "R".) Winston (Besprekings) 11:03, 4 Augustus 2013 (UTC)
Persoonlik sou ek twee artikels verkies het. As die eerste klaar is kan sy spieëlbeeld maklik geskryf word deur al die vergelykings om te swaai. Wat jy ook al besluit sal reg wees. Ek sien uit om dit te lees. Groete. Frank (kontak) 11:07, 4 Augustus 2013 (UTC)
Die WAT praat wel van 'n Birmaanse luislang onder "luislang": Die Birmaanse luislang ... kan tussen vyf en nege meter lank word en 'n massa van 160 kg bereik (Paratus, Aug. 1986, 32). Winston (Besprekings) 11:09, 4 Augustus 2013 (UTC)