Bespreking:Ton Vosloo

in Wikipedia, die vrye ensiklopedie
Jump to navigation Jump to search

Foto's by artikel[wysig bron]

Ek het aangeneem foto's sou beskikbaar wanneer ek hierdie artikel uitpos. Soos dit moes gebeur, wag ek daarop, maar dit behoort binne die volgende 24 uur te gebeur. Mieliestronk (kontak) 23:45, 30 Mei 2019 (UTC)

Gebruiker:Mieliestronk, goeie artikel. Wat het gebeur met sy eerste vrou, Lorna? Het jy die artikel geïntegreer in ander artikels met skakels? Groete! Oesjaar (kontak) 05:19, 31 Mei 2019 (UTC)
Gebruiker:Oesjaar Dankie, Oesjaar. ː-) Ek het destyds sy familieboek persklaar gemaak en dit vir hom uitgegee; hy was my grootbaas by die pers. Ek wag nog net vir foto's van Ton af wat hy vandag vir my sal inskandeer. Geskei, maar 'n mens wil dit natuurlik nie so uitspel nie. Hy moet natuurlik ook nog die teks deurgaan en sy stempel daarop plaas. Heelparty skakels aangebring in die teks, van die begin af, of hoe hoe bedoel jy eintlik? Ek het pas ook oor medejoernaliste Niel Hammann en Hennie van Deventer geskryf, albei groot geeste wat hul stempels behoorlik op die SA joernalistiek afgedruk het, maar wat gevaar loop om deur die nageslag vergeet te word. Maar ek was die meeste verras toe ek agterkom dat daar nog niks oor Ton Vosloo geskyf is nie, want hy is ons plaaslike groot, groot indoena in die joernalistieke wêreld. Mieliestronk (kontak) 06:31, 31 Mei 2019 (UTC)
Ons artikels is veronderstel om neutraal te wees, indien die persoon dit moet goedkeur en sekere verberg word dan kan 'n persoon net wonder oor die neutraliteit. Integrasie: = skakels in ander artikels wat na hierdie een skakel. Ek het dit klaar gedoen. Ja, hierdie artikel het 'n groot gat toegemaak. Groete! Oesjaar (kontak) 10:24, 31 Mei 2019 (UTC)
Gebruiker:Oesjaar Goedkeuring het darem niks met neutraliteit te doen nie. Dis 'n horingoue joernalistieke beginsel, om foute uit te skakel. Die ou hand weet in elk geval wat kontensieus is en sal enigiets van daardie aard van die begin af vermy in 'n ensiklopediese artikel soos vir Wikipedia. Die uwe skryf al langer as vyftig jaar artikels. Ken al die nuanses, kronkels, kinkels en slaggate soos 'n ou se handpalm! :-) Mieliestronk (kontak) 14:49, 31 Mei 2019 (UTC) En die artikel is toe goedgekeur sonder dat 'n komma daaraan verander is. :-) Foto's kom. Mieliestronk (kontak) 00:32, 1 Junie 2019 (UTC)
Kan jy nie al die pensionarisse kry om so bietjie akademiese artikels te skryf en weg beweeg van ondersoekende joernalistiek nie! Groete! Oesjaar (kontak) 13:02, 3 Junie 2019 (UTC)
Gebruiker:Oesjaar, ek het al probeer om van ons ou fossiele aan te moedig om en masse op Wikipedia toe te sak en te begin skryf, want, soos ek van julle kan aflei, is die oes geweldig en die arbeiders min. Maar jy weet hoe gaan dit, almal stem geesdriftig saam, maar niemand doen iets nie. Hulle vertel 'n mens ook dadelik dat dat hulle nie weet hoe om artikels op Wikipedia uit te pos nie en hulle is te oud vir dié soort tegnologie. Daar steek tog 'n bietjie waarheid in die laasgenoemde. Miskien moet 'n mens dan 'n stelsel bedink waar hulle net die tekste aan iemand gee wat dit dan sal inklee as Wikipedia-artikels en uitpos? Dan kan ek kyk wie ek op Facebook kan warm klap om nog nuttig te wees in hul witgryse jare. :-) Mieliestronk (kontak) 20:57, 3 Junie 2019 (UTC)
Mieliestronk, as ons die ouens bymekaar kan kry kan ek 'n kursus aanbied. Groete! Oesjaar (kontak) 09:24, 4 Junie 2019 (UTC)
Oesjaar, klink na 'n baie goeie plan. En jy is die aangewese mens om dit te doen, want jy is al jare der jare hier bedrywig. Watter vorm sal die kursus aanneem? Hier op die web? Of moet die belangstellendes fisiek in die een of ander lokaal bymekaarkom? Ek veronderstel dis darem die eersgenoemde, want ons fossiele is ook maar verspreid oor die land, indien nie oorsee nie. (Tensy jy straks ook in die Kaap is, dan sal ons seker 'n aantal Naspersers in lewende lywe kan naderhark!) Maar daar is baie kundigheid onder hulle. En as hulle kan voel hulle beteken nog iets vir die samelewing, kan dit hulle ook inspireer om betrokke te raak en nie op die stoep te sit en te wag vir die onvermydelike nie. Mieliestronk (kontak) 12:09, 4 Junie 2019 (UTC)
Julle het my laat dink, miskien moet ek my ma probeer oortuig om by die Afrikaanse Wikipedia betrokke te raak. Sy was 'n subredakteur by Beeld en 'n klomp Afrikaanse tydskrifte vir dekades. Sy sal nie goed wees met al die tegnies goed op Wikipedia nie, soos sjablone ens. maar sy kan baie bydra met taalversorging, en vertaling. - Rooiratel (kontak) 12:41, 6 Junie 2019 (UTC)