Blouwaterbaai

in Wikipedia, die vrye ensiklopedie
Jump to navigation Jump to search
Agt van die nege tweedegeslag-Wichts.

Blouwaterbaai is 'n buurt van Saldanha wat ontstaan het na die onderverdeling van die Wicht-familieplaas met dieselfde naam. Dit is sowat 2 km oos van die middedorp aan Saldanhabaai geleë en die tuiste van die Blue Bay Lodge, asook 'n gesogte woonbuurt. Baie strate in die buurt is na die Wicht-kinders genoem, byvoorbeeld André, Jolene, Johan, Pieter, Eugene en Brian Barry.

Blouwaterbaai was voorheen die plaas "Pienaarspoort." In die 1950's is dit gekoop deur kmdr. Wicht, wat op Saldanha in die vloot gestasioneer was. Pienaarspoort is bewoon deur die familie Jannie Kotze en sy vrou, Maria Werth, suster van die derde administrateur van Suidwes-Afrika, Albert Werth. Jannie Kotze en sy familie, Justine Antoncich, Sybil Albertyn, Freda Bracher, Johannes Kotze en Wilhelm Kotze, het in die vroeë 1900's van die plaas Oorlogsvlei na Pienaarspoort getrek. Voordat die Wicht familie Pienaarspoort gekoop en die naam na Blouwaterbaai verander het, het dit aan die vismaatskappy Stefaan Bros. van Stompneusbaai behoort.

Jan Hendrik Wicht was getroud met Babeta Hofmeyr, wie se oupa Gys Hofmeyr van 1920 tot 1926 die eerste burgerlike administrateur van Suidwes-Afrika was.

Eksterne skakels[wysig | wysig bron]