Bo-Karoo Opleiding
| Bo-Karoo Opleiding | |
| Gestig | 2 Mei 2016 |
|---|---|
| Tipe | Privaat, tegniese opleidingskollege |
| Leerlinge | 100+ |
| Medium | Afrikaans |
| Adres | CVO-Rylaan 1 |
| Stad | Orania |
| Provinsie | Noord-Kaap |
| Land | Suid-Afrika |
| Koshuis(e) | Steenbok Herberg (mans) Huis Die Duiker (dames) |
| Webblad | https://bokarooopleiding.co.za/ |
Bo-Karoo Opleiding (BKO) is 'n tegniese opleidingskollege in Orania. Bo-Karoo Opleiding gebruik 'n stelsel van "werk en leer" en Afrikaans as voertaal. Die kollege is in 2016 opgerig weens die groot vraag na bouers in Orania. Die studies rig veral op bou- en konstruksiepraktyke. Meer as 100 studente studeer tans by Bo-Karoo Opleiding.
Bo-Karoo Opleiding is, na Sol-Tech, die tweede tegniese opleidingskollege wat deel is van die Solidariteit Beweging.[1]
Geskiedenis[wysig | wysig bron]
Bo-Karoo Opleiding is opgerig deur die CVO-Skool Orania. In 2014 het die bouwerk begin. Die bou van die opleidingsentrum het R4,3 miljoen gekos, waarby vrywilligers baie van die bouwerk gedoen het. Op 2 Mei 2016 was die bouwerk so ver voltooi dat Bo-Karoo Opleiding se eerste klas met vier messelaar-leerlinge begin het. Die opleidingsentrum is later die jaar voltooi en op 28 Oktober 2016 deur Dirk Hermann en Danie Brink ingewy.[2]
In 2017 is die kollege se eerste koshuis, Steenbok Herberg, geopen nadat dit deur die studente self gebou is. In 2019 is die tweede koshuis Huis Die Duiker, voltooi. Sedert 2021 bied Bo-Karoo Opleiding ook 'n kursus in tuisversoring aan. In 2022 is 'n opleiding in plaasbestuur begin.[3]
Fasiliteite[wysig | wysig bron]
Bo-Karoo Opleiding beskik oor verskillende fasiliteite. Daar is twee koshuise by die kollege, plus verskillende privaat koshuise. Die opleidingsentrum beskik oor 'n ouditorium, verskeie lesinglokale, 'n meganiese werkswinkel, 'n fisiese wetenskapklaskamer en 'n buite-werkswinkel.[2]
Bo-Karoo Opleiding deel hierdie fasiliteite met die CVO-Skool Orania. In die aand word die gebou ook gebruik deur ander organisasies van Orania, byvoorbeeld vir inligtingsessies deur die Orania Dorpskantoor.
Studierigtings[wysig | wysig bron]
Bo-Karoo Opleiding bied opleiding in 'n aantal studierigtings. Opleiding duur oor die algemeen drie jaar.
- Bou en siviele konstruksie
- Loodgieter
- Elektries
- Plaasbestuur (sedert 2022)
- Tuisversorging (sedert 2021)
Die kollege beplan om die studieaanbod verder uit te brei.
Sien ook[wysig | wysig bron]
Eksterne skakel[wysig | wysig bron]
Bronne[wysig | wysig bron]
- ↑ (af) So skep Solidariteit 'n toekoms vir Afrikaanse onderwys, Maroela Media, 8 Oktober 2019, geraadpleeg op 23 Januari 2022.
- ↑ 2,0 2,1 (af) Moderne tegniese sentrum vir Orania CVO deurbraak vir ook tersiêre opleiding, Ditsem Nuus, bladsy 7, November 2016, geraadpleeg 23 Januarie 2022.
- ↑ (af) Bekwaam jouself as boer in Orania, Maroela Media, 27 Augustus 2021, geraadpleeg op 23 Januarie 2022.