Bobby Locke

Bobby Locke
Bobby Locke
Persoonlike inligting
Volle naam	Arthur D'Arcy Locke
Bynaam	Bobby ; Old Baggy Pants ; Old Muffin Face
Gebore	20 November 1917; Germiston, Suid-Afrika
Sterf	9 Maart 1987 (op 69); Johannesburg, Suid-Afrika
Nasionaliteit	Suid-Afrikaner
Eggennoot	Mary Fenton (get. 1958–87)
Kinders	Caroline
Loopbaan
Professioneel geword	1938
Vorige toernooie	PGA Tour
Professionele oorwinnings	74
Aantal oorwinnings volgens toernooi
PGA-toernooi	15
Sonskyn-toernooi	30 (3de beste van alle tye)
Ander	29
Beste uitslae in groot kampioenskappe; (wenne: 4)
Meesterstoernooi	T10: 1948
PGA-kampioenskap	T33: 1947
V.S.-ope	3de/T3: 1947, 1951
Britse Ope	Wen: 1949, 1950, 1952 en 1957
Britse amateurkampioenskap	T33: 1937
Prestasies en toekennings
World Golf Hall of Fame	1977 (member page)
Harry Vardon-trofee	1946, 1950, 1954

Arthur D'Arcy Locke, bekend as Bobby (20 November 1917 – 9 Maart 1987) was 'n Suid-Afrikaanse gholfkampioen. Hy is in Germiston gebore. Hy begin gholf speel op vroeë ouderdom en in 1935 wen hy, as 'n 18-jarige, die Natalse, Transvaalse, die Suid-Afrikaanse Ope en die Suid-Afrikaanse Amateurskampioenskapstoernooi. Hy volg dit die volgende jaar op met die Natalse Ope en die Britse Amateur-Ope. Van 1938 af wen hy die Suid-Afrikaanse Beroepstoernooi 17 keer. Hy het ook onder andere die Kanadese, Franse, Egiptiese, Duitse, Ierse, Switserse, Hollandse, Meksikaanse, Australiese, Nieu-Seelandse en ander kampioenskappe gewen. Hy wen die Britse Ope vier keer, in 1949, 1950, 1952 en 1957. Hy was op daardie stadium slegs die derde speler naas Walter Hagen en Peter Thomson wat dit kon regkry. Hy laat internasionale gholf vaar na 'n ernstige motorongeluk.