Boeing 747-8

in Wikipedia, die vrye ensiklopedie
Boeing 747-8
Boeing 747-8F se nooiensvlug op 8 Februarie 2010
Tipe Wyeromp-stralervliegtuig
Vervaardiger Boeing Commercial Airplanes
Nooiensvlug 747-8F: 8 Februarie 2010
747-8I: 20 Maart 2011
Vrygestel 747-8F: 12 Oktober 2011 met Cargolux
747-8I: 1 Junie 2012 met Lufthansa
Status In diens
Hoofgebruikers Cathay Pacific Cargo
Atlas Air
Cargolux Airlines
Lufthansa
Vervaardig 2008-tans
Aantal gebou 104 afgelewer tot Junie 2016
Eenheidskoste 747-8F: VS$ 378.5 miljoen (2015)
747-8I: VS$ 379.1 miljoen[1]
Ontwikkel van Boeing 747
Die prototipe 747-8F gedurende 'n toetsvlug
Vergelyking tussen die Boeing 747-8 (blou) en ander groot vliegtuie

Die Boeing 747-8 is die grootste weergawe van die Boeing 747 en die grootste kommersiële passasiersvliegtuig wat in Amerika gebou word, van vergelykbare grootte (sien skets ondertoe) met die Europese Airbus A380 wat in Oktober 2007 in gebruik geneem is.[2] Die 747-8 het die Boeing 747-400 vervang in 2011.

Cargolux 747-8F N5573S vlieg oor Fresno

Verkoopsvooruitsigte[wysig | wysig bron]

Die onlangse resessie in die VSA, tesame met die marktraagheid in Europa en Asië,[3] het gelei tot 'n afname in die vraag na vragvliegtuie aangesien meer verskepings nou per see onderneem word. Die wêreld se lugvragvloot was kleiner in 2012 as wat dit was in 2003, maar die verhouding van baie groot vragvliegtuie in daardie vlote het toegeneem, en die dominante posisie van Boeing se groot, brandstofdoeltreffende vragtuie het die maatskappy 'n geleentheid gebied om sy markaandeel te behou en sy produksielyn te beskerm ten spyte van die swak mark.

Die vraag bestaan hoofsaaklik na die 747-8F, wat die meeste bestellings ontvang. Die groot kapasiteit van die 747-8 is 'n voordeel vir die vragtuigweergawe, maar nie soseer die passasiersweergawe nie. Verder het die vragtuig geen direkte mededinger nie.[4]

Lugrederye soos Emirates en British Airways het dit aanvanklik oorweeg om die passasiersweergawe te bestel, maar het later besluit om eerder die Airbus A380 aan te koop.[5][6] Op die Paryse Lugskou in 2013 het Korean Air ingestem om vyf 747-8 passasiersweergawes te bestel, bykomend tot die vyf reeds bestel in 2009.[7]

Uitleg van die Boeing 747-8 se vlugkajuit.

Algehele vraag na die 747-8 is benede Boeing se aanvanklike projeksies, wat gelei het tot 'n verlaging in produksietempo. Produksie was aanvanklik verminder van 2 tot 1,75 vliegtuie per maand in April 2013; tot 1,5 vliegtuie per maand in Oktober 2013[8] en in Januarie 2016 het Boeing bevestig dat hul 747-8 produksie sal verminder tot 0,5 per maand in September 2016. Die hoofrede is die swak herstel in die lugvragmark, wat gelei het tot verlaagde vraag na die 747 vragtuig.[9][10]

Die Boeing 747-8I is bedoel om 'n nis tussen die Airbus A380 en die Boeing 777-300ER te vul, maar die vooruitsigte vir die 747-8I blyk beperk te wees. Rederye het die oorspronklike 747 in die eerste plek vir sy reikafstand, en nie sy kapasiteit nie, aangekoop. Met die koms van die langafstandtweemotorige vliegtuie is die 747 se reikafstandvoordeel uitgewis, veral deur Boeing se eie 777. In vergelyking met die 747-8I, is die komende 777-9X "mini jumbo jet" geprojekteer om 'n laer brandstofkoste per sitplekmyl te hê en 'n groter vragkapasiteit, al het dit 'n laer kapasiteit vir passasiers en 'n hoër pryskaartjie; gevolglik behaal die 777-9X meer bestellings as die 747-8I, veral weens sy goeie brandstofdoeltreffendheid.[11][12] Die Airbus A380 is as meer suksesvol bewys aangesien dit 'n geheel nuwe ontwerp is, terwyl die 747-8 se afkoms reeds 40 jaar oud is. Ontleders voorspel nie blink vooruitsigte vir meeste baie groot vliegtuie (met meer as 400 sitplekke) nie. Bestellings het dus afgeplat in die 2010's, aangesien daar wyeromptweelingstralers is met dieselfde reikafstand, wat meer brandstofdoeltreffend is en meer buigsaam is teen 'n veel laer aankoopkoste as die 747-8[13][14][15][16][17][18][19]

Op die oomblik is Lufthansa die enigste lugredery wat beide die 747-8I en A380 bedryf.[20][21]

Verwysings[wysig | wysig bron]

  1. Boeing Commercial Airplanes Jet Prices. Boeing. Besoek op 10 Januarie 2015.
  2. Airbus A380 vir Singapore Airlines. Geargiveer 9 Desember 2008 op Wayback Machine, Airbus vrystelling, 10 Mei, 2007
  3. "IATA chief says weak cargo remains biggest airline worry" (in Engels). Reuters. 9 Februarie 2014. Geargiveer vanaf die oorspronklike op 9 Oktober 2019.
  4. Negroni, Christine. 747 the world's airliner. Air & Space, Julie 2014, pp. 41-47.
  5. "BA opts for A380 and Dreamliner". BBC News (in Engels). BBC. 27 September 2007. Geargiveer vanaf die oorspronklike op 5 September 2019. Besoek op 8 Augustus 2016.
  6. "Boeing close to 747-8I order from Emirates: report". Dubai: Reuters/Business News. 14 Augustus 2007. Geargiveer vanaf die oorspronklike op 24 September 2015.
  7. "Boeing wins life-support order for 747-8 from Korean Air". Puget Sound Business Journal. 18 Junie 2013.
  8. Trimble, Stephen (18 Oktober 2013). "Boeing cuts 747-8 production to 1.5 per month". Flight Global.
  9. "Boeing to Reduce 747 Production Rate, Recognize Fourth-Quarter Charge" (in Engels). Boeing. 21 Januarie 2016. Geargiveer vanaf die oorspronklike op 9 Oktober 2019.
  10. "Boeing to Cut Production of 747s" (in Engels). Wall Street Journal. 22 Januarie 2016. Geargiveer vanaf die oorspronklike op 2 Maart 2020.
  11. Riva, Alberto (5 April 2013). "Boeing 747 On Deathwatch: How Boeing's New 777X Will Kill Its Jumbo Jet Predecessor, Once The Queen Of The Skies". International Business Times. Besoek op 19 Mei 2022.
  12. Steve Wilhelm (9 Junie 2014). "Why Boeing's pricey 777-9x could accelerate demise of the less efficient 747-8i". bizjournals.com.
  13. Ben Schlappig (11 Desember 2014). "Airbus A380 Production Could End, And Why Emirates Is Pissed". One Mile at a Time. Besoek op 19 Mei 2022.
  14. Sparaco, Pierre. "Opinion: Mega-transports hobbled by their size Geargiveer 10 Julie 2015 op Wayback Machine" Aviation Week & Space Technology, 3 Maart 2014.
  15. Dastin, Jeffrey (4 Junie 2015). "United Airlines does not see a fit for Airbus A380". Reuters (in Engels). Geargiveer vanaf die oorspronklike op 17 Oktober 2015. Besoek op 4 Augustus 2015.
  16. "Asian Airlines' changing presence at London Heathrow", Center for Aviation, 13 Februarie 2013.
  17. Hofman, Kurt. "Air France: Airbus A380 not a good fit for network." Air Transport World, 30 September 2013.
  18. "China Southern's A380 problems may not be solved by possible Air China partnership", CAPA: Centre for Aviation, 2 April 2013.
  19. Wang, Jasmine. "China Southern gets first Dreamliner after failed A380 strategy." Bloomberg, 1 Junie 2013.
  20. "The 747-8: Lufthansa-Boeing's mistake". The Flying Engineer. 4 Junie 2013. Geargiveer vanaf die oorspronklike op 17 Mei 2022. Besoek op 19 Mei 2022.
  21. "argiefkopie". Geargiveer vanaf die oorspronklike op 15 Julie 2016. Besoek op 8 Augustus 2016.
Hierdie artikel is in sy geheel of gedeeltelik vanuit die Engelse Wikipedia vertaal.