Boo!

in Wikipedia, die vrye ensiklopedie
Boo!
OorsprongSuid-Afrika
GenresMonki Punk
Jare aktief1997 — 2004
Webwerfboo.co.za
Gewese ledeChris Chameleon
Ampie Omo
Princess Leonie

Boo! is 'n Suid-Afrikaanse musiekgroep wat vanaf 1997 tot 2004 aktief was.

Biografie[wysig | wysig bron]

Boo! het die Suid-Afrikaanse musiekbedryf in Oktober 1997 betree met 'n ietwat eienaardige maar tog ook 'n hoofstroom klank. Die groep beskryf hul musiek as "Monki Punk" aangesien hulle weg beweeg van die normale kombinasie van bas, dromme en kitaar en dan ook die kitaar vervang met klanke van onder andere 'n klawerbord. Hierdie "wanordelike" klank was egter nie die gevolg van woede nie. Dit het eerder ontstaan uit die self-tevrede vryheid van om teenoorstaande menslike gevoelens uit te druk. Die boodskap wat uit die musiek kom is om te verbly en te jubel oor die meervoudigheid van menslike natuur.

Van die begin af het Boo! hul aanhangers meer as net 'n vertoning gebied. Chris Chameleon het voorgekom as een of ander buite-planetiese gedaante, misterieus asook geweldig passievol, wat met die gehoor gekommunikeer het deur vreemde klanke wat Ampie Omo dan vertaal het. Hul liedjies was kort en kragtig en het 'n wye spektrum van menslike natuur aangeraak sommer in die ruimte van net een liedjie.

In 1999 het hulle hul eerste internasionale toer na Australië onderneem. Hulle het verder ook Londen deur getoer in die eerste twee weke van November 1999 en die VK, Holland en Duitsland in April en Mei in 2000. In Augustus en September het hulle weer die VK, Holland en Duitsland aangepak, maar ook bestemmings soos België en die V.S.A. daarby gevoeg. Hulle het ook die Smashing Pumpkins op hul Suid-Afrikaanse toer in 2000 bygestaan. In 2001 het hulle Holland, België, Suid-Afrika, Swaziland, Kenia, VK asook die VSA op 'n gereelde basis besoek.

Diskografie[wysig | wysig bron]

  • Banana Flava (regstreeks) (Kasset) (1998)
  • Pineapple Flava (ook bekend as Monki Punk of Pynaple) (Februarie 1999)
  • The 3 Boo!dists [Desember 1999]
  • Seventies, Eighties, Nineties, Naughties (Oktober 2000)
  • Shooting Star (regstreeks) (Februarie 2002)
  • TNTLC (Augustus 2003)
  • Boo! (versameling) (Desember 2003) gratis in 'Stage Magazine' #24

Groeplede[wysig | wysig bron]

  • 'Miss' Chris Chameleon: hoofsanger, baskitaar
  • 'Princess' Leonie: dromme
  • Ampie Omo: trompet, tromboon, klawerbord, perkussie

'n Paar interessante feite oor Boo![wysig | wysig bron]

Boo! verskyn op die volgende versamelings

  • Get the Funk out Vol:7;
  • Mr. Price Red Cap Summer;
  • Oppikoppi Bushveld Blast;
  • 5FM TDK Music Explotion Vol 1;
  • 5FM Showcase Vol 1;
  • 5FM Showcase Vol 2;

Boo! het by 'n gemiddeld van 150-200 vertonings per jaar opgetree.

Boo! het al by die volgende internasionale feeste opgetree:

  • Peter Gabriel's Womad - Feb 99, Benoni (SA)
  • Pukkelpop - Aug 2000, (Hasselt, België)
  • The Cultureel Virus Festival - Mei 2000, Eindhoven (Holland)
  • The Meadow Festival - Sep 2000, (Augsburg, Duitsland)
  • Hotel Musieque (Night Town) - March 2001, Rotterdam (Holland)
  • Oeral Festival - May 2001, Terschelling (Holland)
  • Atlanta Annual Pride Festival - May 2001, Atlanta, GA (USA)

Boo! het al optredes by al die feeste van Suid-Afrika gehad, insluitende:

  • Oppikoppi (hoof-optrede);
  • 1999 - B&H Synergy New Years (hoof-optrede);
  • State of the Nation 1999 en 2000;
  • Martell Blues/Rock Grahamestown Festival;
  • Splashy Fen 1999 en 2001 (hoof-optrede), ens.

Verwysings[wysig | wysig bron]

  • South Africa's Rock Legends BOO!