Bosman de Villiers

in Wikipedia, die vrye ensiklopedie
Jump to navigation Jump to search

Bosman de Villiers (*Thaba Nchu, 10 Junie 1916 – †Johannesburg, 3 Junie 2003) was 'n joernalis en assistent-redakteur van die Vrystaat.

Lewe en werk[wysig | wysig bron]

Abraham Izak Hermanus Jacobus Bosman de Villiers is op 10 Junie 1916 in Thaba Nchu in die Vrystaat gebore. Hy gaan op sy tuisdorp en op Ventersburg skool en studeer verder aan die Grey-universiteitskollege in Bloemfontein, maar moet sy studies staak weens ’n gebrek aan die nodige finansies. Hy is om die beurt ’n briewebesteller, winkelklerk, prokureursklerk, staatsamptenaar en boer voordat hy ’n joernalis word en assistent-redakteur is van die Lowveld Leader, terwyl hy op Nelspruit gevestig is.

Later word hy sekretaris van ’n bou-aannemersaak op Nelspruit. Hy is op 3 Junie 1939 getroud met Eleonora Cronjé van Ventersburg en die egpaar het twee kinders, ’n dogter en ’n seun. Die seun word vernoem na Uys Krige, omdat De Villiers hom as sy vader in die kuns beskou.

Bosman de Villiers is op 3 Junie 2003 in Johannesburg oorlede.

Skryfwerk[wysig | wysig bron]

Sy eenbedryf Die dikker bloed wen in 1948 die gesamentlike eerste prys in ’n eenbedryf-toneelwedstryd van die Federasie van Amateurtoneelverenigings van Suid-Afrika (FATSA). Dit word in 1948 in Gerhard J. Beukes se bundel Uitgesoekte eenbedrywe opgeneem. Hierdie drama behandel die impak wat die Tweede Wêreldoorlog en die politieke meningsverskil wat daaruit voortspruit, op die lewens van ’n gesin maak.

Hy skryf ook kortverhale en sketse en skryf die eerste boek oor gholf in Afrikaans, naamlik Gholf saam met die boere.

Publikasies[wysig | wysig bron]

  • 1959 – Gholf saam met die boere.

Verwysings[wysig | wysig bron]

Boeke[wysig | wysig bron]

  • Beukes, Gerhard J. (red.) Uitgesoekte eenbedrywe. J.L. van Schaik Bpk. Pretoria. Vyfde druk. 1954
  • Nienaber, P.J.; Senekal, J.H en Bothma, T.C. Mylpale in die geskiedenis van die Afrikaanse letterkunde. Afrikaanse Pers-Boekhandel. Tweede hersiene uitgawe. 1963.
  • Nienaber, P.J. et al. Perspektief en Profiel. Afrikaanse Pers-Boekhandel. Johannesburg. Derde hersiene uitgawe. 1969.
  • Van Coller, H.P. (red.) Perspektief en Profiel Deel I. J.L. van Schaik-Uitgewers. Pretoria. Eerste uitgawe. 1998.

Internet[wysig | wysig bron]