Bostelegrafie

in Wikipedia, die vrye ensiklopedie
Jump to navigation Jump to search

Bostelegrafie is die verspreiding van boodskappe deur middel van seine gegee met ‘n tamboer. Dit is veral gebruik in verafgeleë, afgesonderde en dunbevolkte gebiede.

Die misterieuse klanke van die bostelegraaf is vir eeue in Afrika gehoor. ‘n Tamboerslaner wat ‘n boodskap hoor, herhaal op sy beurt die berig. So is dit van dorp tot dorp versprei. Nuusoordrag met die bostelegraaf was nie soos die heliograaf van sonlig afhanklik nie. Tot vroeg in die 20ste eeu was die radio nog onbekend in die verre en geïsolerde dele van Afrika. Bostelegrafie was egter beperk tot sake waarmee die gebruikers bekend was. Alledaagse onderwerpe was feeste, jagtogte, visvang, siektes, geboortes, sterfgevalle, beskikbaarheid van hout en voorrade in die nabysynde winkel. As daar blanke jagters in aantog was, was dit gou wyd bekend. Die taal wat gebruik is, was nie ‘n soort Morse-kode nie en daarom kon tromslaners kon nie idees versprei nie en ook nie name van mense waarmee hulle onbekend was. Elke streek het waarskynlik sy eie gebruikskode vir die bostelegraaf ontwikkel. Stamme in grensgebiede het deur die jare heen hul bure se kode aangeleer. So kon boodskappe van groot belang oor die hele Afrika versprei word. Baie blanke amptenare het byvoorbeeld van die dood van koningin Victoria by hul personeel gehoor, want die bostelegraaf was vinniger met die nuusverspreding as die koloniste se kommunikasienetwerk.

Die tamboer was ‘n uitgeholde boomstam van ‘n 4m lank. In die gemeenskap was die trom ‘n belangrike stuk stameiendom en die tromslaner het ‘n hoë aansien geniet.

Bibliografie[wysig | wysig bron]

  • Green, Lawrence G.: Old Africa untamed. Kaapstad: Howard Timmins, 1974. ISBN 0-86978-080-8
  • Green, Lawrence G.: Under a sky like flame. Kaapstad: Howard B. Timmins,1954.