Bosveldharpuisboom

Bosveldharpuisboom
	Bosveldharpuisboom in die Magaliesberg.
Wetenskaplike klassifikasie
Koninkryk:	Plantae
(geen rang):	Angiosperms
(geen rang):	Eudicots
(geen rang):	Rosids
Orde:	Sapindales
Familie:	Anacardiaceae
Genus:	Ozoroa
Spesie:	O. paniculosa
Binomiale naam
	Ozoroa paniculosa; (Sond.) R.Fern. & A.Fern.
Sinonieme
	Heeria paniculosa;

Die Bosveldharpuisboom (Ozoroa paniculosa) is 'n immergroen boom wat aan die familie van Mango-agtiges (Anacardiaceae) behoort. Dit kom algemeen rondom Pretoria en Johannesburg voor, asook in die Noord-Wes en Limpopo.

Die boom word gemiddeld 4 meter hoog. Die vrugte is ongeveer 7 x 10 mm groot en lewer 'n vlugtige sowel as nie-vlugtige olie. Die vloeistof in die bas en wortels word hard sodra dit aan lug blootgestel word.

Ander name sluit in die (Gewone) Harpuisboom of Harsbessie. Die Engelse naam is "Common Resin Tree", terwyl dit in Tswana as die "Monokane" bekend staan.