Botanybaai

in Wikipedia, die vrye ensiklopedie
(Aangestuur vanaf Botany Bay)
Botanybaai

Lugfoto van Sydney met Botanybaai in die voorgrond

Ligging van die Botanybaai
Koördinate:33°59′53″S 151°13′59″O / 33.99806°S 151.23306°O / -33.99806; 151.23306Koördinate: 33°59′53″S 151°13′59″O / 33.99806°S 151.23306°O / -33.99806; 151.23306
Ligging:Sydney, Nieu-Suid-Wallis, Australië
Soort:See van die Stille Oseaan
Oppervlakte:39,6 km² (15 myl²)
Gemiddelde diepte:11,4 m (37 vt)
Volume:440 815,8 m³ (15 567 263 vt³)
Lengte:10 km (6 myl)
Opvangsgebied:54 9 km² (21 myl²)
Invloei:Cooks-rivier, Georges-rivier
Uitvloei:Tasmansee
Nedersettings:Sydney

Botanybaai is 'n baai in Sydney, Nieu-Suid-Wallis in die suidooste van Australië 'n paar kilometer suid van Sydney se sentrale sakekern.[1] Die Cooks-rivier en die Georges-rivier is twee groot vertakkinge wat die baai binnevloei. Twee aanloopbane van Sydney-lughawe is in die baai gebou.

Botanybaai was die plek waar James Cook die baai met sy skip die HMS Endeavour vir die eerste keer op die kontinent van Australië aan wal gegaan het, na hy Nieu-Seeland verken het. Die Britte het later beplan om Botanybaai as 'n strafkolonie te gebruik. Hierdie planne het gelei tot die eerste Europese nedersetting in Australië by Sydney Cove.

Inboorling geskiedenis[wysig | wysig bron]

Beeld van Sydney geneem deur NASA se RS-satelliet. Botanybaai is die groot inham regs onder.

Argeologiese opgrawings langs die kus van Botanybaai het bewyse gelewer van inboorling nedersetting van meer as 5 000 jaar gelede. Die inboorlinge van Sydney het bekend gestaan as die Eora wat onderverdeel is in subgroepe volgens die tale wat hulle gepraat het. Die mense wat tussen die Cooks-rivier en die Georges-rivier gewoon het is die Bidgigal genoem. Op die suidelike kus van die baai is die inboorlinge die Gweagal genoem.[2] Op die noordelike strand het die inboorlinge as die Kameygal bekend gestaan.[3]

Europese nedersettings[wysig | wysig bron]

James Cook se landing[wysig | wysig bron]

Monument te Botanybaai wat die tweehonderdjarige bestaansjaar gedenk

James Cook se landing was die begin van Brittanje se belangstelling en uiteindelike kolonisering van Australië.[4] Aanvanklik het Cook die naam Sting Ray Harbour gebruik. Die naam is ook so op ander kaarte van die tydperk aangeteken.[5] Cook het later die naam verander na "Botany Bay" vanweë die vele plante wat Joseph Banks en Daniel Solander daar versamel het.[6] Die naam "Botanist Bay" is ook aanvanklik gebruik.

Aankoms van die Eerste Vloot[wysig | wysig bron]

Goewerneur Arthur Phillip het die baai in 1788 binnegevaar met die Eerste Vloot en begin om die strafkolonie daar te beplan. Hulle het egter bevind dat die grond sanderig en onvrugbaar was en nie geskik was vir die stigting van 'n nedersetting wat van landbou afhanklik sou wees nie. Phillip het toe besluit om die kolonie te verskuif na Port Jackson na die noorde. Op 26 Januarie, toe die Eerste Vloot begin het om by die baai uit te vaar, het 'n Franse verkenningsekspedisie onder leiding van Jean-François de La Pérouse Botanybaai binnegevaar. Op 26 Januarie 1788 is die Britse vlag op land gehys. Die goeie voorraad varswater in die gebied het bygedra tot 'n bestendige bevolkingsgroei in die 19de eeu.

Verwysings[wysig | wysig bron]

  1. HAT Taal-en-feitegids, Pearson, Desember 2013, ISBN 978-1-77578-243-8
  2. Pictorial Memories ST. GEORGE: Rockdale, Kogarah, Hurstville Joan Lawrence, Kingsclear Books, 1996, Gepubliseer in Australië ISBN 0-908272-45-6, bl 3
  3. "argiefkopie". Geargiveer vanaf die oorspronklike op 16 Mei 2010. Besoek op 19 Maart 2009.
  4. http://www.slq.qld.gov.au/about/coll/maps/hist/aus/bb Geargiveer 19 November 2008 op Wayback Machine Captain Cook se kaart van Botanybaai
  5. Captain Cook's Journal During the First Voyage Round the World, Projek Gutenberg, dokument nommer 8106, redakteur W. J. L. Wharton se voetnota 6 Mei 1770.
  6. Ray Parkin, H. M. Bark Endeavour, Miegunyah Press, tweede uitgawe 2003, ISBN 0-522-85093-6, bladsy 203.

Eksterne skakels[wysig | wysig bron]