Boulevard der Stars

in Wikipedia, die vrye ensiklopedie
Jump to navigation Jump to search
Boulevard der Stars in Berlyn
'n Uitsig oor die Boulevard der Stars

Die Boulevard der Stars ("Laan van die Sterre") is 'n steeds groeiende monument ter ere van bekende Duitse persoonlikhede uit die rolprent- en televisiebedryf. Die monument is naby die Berlynse plein Potsdamer Platz geleë en strek van Potsdamer Straße met sy ses rylane tot by Ben-Gurion-Straße. Voor enkele geboue is dit aan weerskante verbreed.

Die monument is volgens die voorbeeld van die Hollywood Walk of Fame in Los Angeles ontwerp en vereer bekende persoonlikhede met 'n ster. Die hoeksteen is op 5 Februarie 2010 ter geleentheid van die Berlinale 2010-filmfees gelê. Die eerste ster ter ere van Marlene Dietrich is op 12 Februarie aan die publiek vertoon. Toe die Boulevard op 10 September 2010 amptelik ingewy is, is 'n bykomende 39 sterre toegeken.[1]

Ontwerp[wysig | wysig bron]

Die sterre is van gepoleerde brons gemaak en in die Boulevard se rooi gekleurde asfaltoppervlak ingelaat. In elke ster is die naam, beroep, persoonlike gegewens en handtekening van die vereerde persoonlikheid ingegraveer.

Spesiale Pepper's Ghost-kameras is op die laan geïnstalleer wat deur middel van interaktiewe spieëls 'n beeld van elkeen van die vereerde filmsterre projekteer. So kan besoekers foto's van hulself saam met die bekende persoonlikheid neem. Die sterre word saans verlig waarby die lig vir besondere geleenthede gevarieer kan word.

Verwysings[wysig | wysig bron]

Eksterne skakels[wysig | wysig bron]

Koördinate: 52°30′34″N 13°22′28″O / 52.50944°N 13.37444°O / 52.50944; 13.37444