Braaibroodjie

in Wikipedia, die vrye ensiklopedie

'n Braaibroodjie is 'n broodjie wat op die kole tydens 'n braai gerooster word.[1] Die tradisionele braaibroodjie word met twee snye brood, met ‘n vulsel van gerasperde kaas, snye tamaties, uie, sout, peper en appelkooskonfyt gemaak. Blatjang word ook dikwels as ‘n addisionele smaakmiddel op die brood gesmeer. Die broodsnye word vooraf aan die buitekant gebotter om te verseker dat die braaibroodjie ‘n aantreklike goudbruin kleur het nadat dit oor die kole gebraai is.

Braaibroodjies word gewoonlik as ‘n bykos saam met braaivleis geëet.

Verwysings[wysig | wysig bron]

  1. "How to make the perfect braaibroodjies" (in Engels). getaway.co.za. Geargiveer vanaf die oorspronklike op 6 Augustus 2018. Besoek op 3 Junie 2017.