Branderbreekpunt

in Wikipedia, die vrye ensiklopedie
’n Branderplankryer by Mavericks, Kalifornië, een van die wêreld se gewildste branderbreekpunte wat veroorsaak word deur ’n buitengewone rotsformasie.

’n Branderbreekpunt (Engels: surf break[1]) is ’n permanente (of semipermanente) versperring soos ’n koraalrif, rots, sandbank of landpunt wat branders laat breek;[2] dit skep ’n buisvormige of ander soort brander wat met ’n branderplank gery kan word voor dit eindelik breek. Die topografie van die seebodem bepaal die vorm van die brander en hoe dit breek. Sandbanke kan van grootte en ligging verander en dit beïnvloed die branders.

Branderplankry[wysig | wysig bron]

Sommige breekpunte is baie gevaarlik omdat die branderplankryer ’n koraalrif of rotse onder die water kan tref. Branderbreekpunte word driftig deur branderplankryers beskerm omdat menslike bedrywighede en bouwerk ’n onbedoelde en onvoorspelbare uitwerking op die branders kan hê.

In 2008 het branderplankryers en ander ongewingsbewustes die bou van ’n tolpad in Orange County, Kalifornië, teengestaan wat sedimentpatrone sou verander en die Trestles-breekpunt van wêreldgehalte noord van die San Onofre-staatstrand sou beïnvloed het – die branders daar het in 2007 sowat 400 000 branderplankryers gelok.[3]

Een van die grootste branderbreekpunte in die wêreld is die Jaws-breekpunt in Maui, Hawaii, waar branders tot 12-18 meter hoog kan wees.[4] Branders by Nazare in Portugal het egter na berig word al hoogtes van meer as 24 meter bereik vanweë die besondere topografie van die seebodem.

Verwysings[wysig | wysig bron]

  1. Turner, Sarah (5 Februarie 2006). "The best surf break" (in Engels). The Guardian. Geargiveer vanaf die oorspronklike op 25 Januarie 2012. Besoek op 2 April 2009.
  2. Silmalis, Linda (8 April 2007). "Surf break names recognised". The Daily Telegraph. Besoek op 2 April 2009.[dooie skakel]
  3. Flaccus, Gillian (7 Februarie 2008). "Officials Pick Surf Break Over Toll Road - Local News" (in Engels). Fox News. Geargiveer vanaf die oorspronklike op 16 Desember 2018. Besoek op 2 April 2009.
  4. Hurley, Timothy (18 November 2002). "Maui's monster surf break getting bigger by the day" (in Engels). Geargiveer vanaf die oorspronklike op 11 Augustus 2019. Besoek op 2 April 2009.

Eksterne skakels[wysig | wysig bron]