Bridgetown (Wes-Kaap)
 | Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Bridgetown is 'n oornagplek op die westelike oewer van die Bergrivier tydens die Bergrivier-kanowedvaart. Dit lê ongeveer 15 km oosnoordoos van Moorreesburg en net stroomop van die Misverstanddam.
In 1842 het William Edmund Scarbrow 'n plaas by die Vledermuisdrift gekoop met die hoop dat die pad na die noorde later hier met 'n brug oor die rivier sou gaan en daar dan 'n dorp sou ontwikkel. Metteryd het die vestiging ontwikkel en bestaan uit 'n smitswinkel, meul, besproeiingskanale, winkel, poskantoor, skool en 'n pont oor die rivier. Bome is aangeplant en daar was selfs 'n dokter. Scarbrow het egter in 'n skeepsramp omgekom. Die brug is verder stroomaf nader aan Piketberg gebou en in 1879 is Moorreesburg op die direkte pad na die noorde gestig. Dit was die einde van die droom van dorpsontwikkeling. Vandag is Bridgetown slegs 'n kamkpeerterrein op die oewer van die rivier.
Bron
[wysig | wysig bron]- Burman, Jose: The man in my boots. Kaapstad: Human & Rousseau, 1994. ISBN 0-7981-3319-8