Bruce McCandless II

Bruce McCandless II
McCandless in 1982
Gebore	Byron Willis McCandless 8 Junie 1937 Boston, Massachusetts, VSA
Sterf	21 Desember 2017 (op 80) Los Angeles, Kalifornië, VSA
Alma mater	United States Naval Academy (BS) Stanford University (MS) Universiteit van Houston (MBA)
Beroep	Ruimtevaarder
Jare aktief	1966–1990
Werkgewer	Nasa
Bekend vir	Eerste persoon wat ongebonde ruimtewandeling gemaak het met die Manned Maneuvering Unit (MMU)
Eggenoot	Bernice Doyle McCandless (1960–2014) Ellen Shields McCandless (2014–2017)
Kinders	2
Handtekening

Bruce McCandless II (8 Junie 1937 – 21 Desember 2017) was ’n Amerikaanse ruimtevaarder en was deel van Ruimtevaardergroep 5. Hy het twee ruimtevlugte op sy naam gehad.

McCandless vlieg deur die ruimte met die MMU.

Sy eerste sending was STS-41-B met die ruimtependeltuig Challenger en het op 3 Februarie 1984 plaasgevind. Tydens die sending is twee kommunikasiesatelliete in ’n wentelbaan om die Aarde geplaas. Gedurende hierdie sending het hy twee ruimtewandelings uitgevoer. McCandless was die eerste persoon ooit wat dit gedoen het sonder om met kabels aan ’n ruimtevaartuig vasgemaak te wees. Hy het die Manned Maneuvering Unit (MMU) gebruik om in die ruimte te kan manoeuvreer.

Sy tweede sending was STS-31 met die ruimtependeltuig Discovery, wat op 24 April 1990 gelanseer is. Dit was die sending wat die Hubble-ruimteteleskoop die ruimte in gebring het.

Op 31 Augustus 1990 het hy Nasa verlaat en as ruimtevaarder afgetree.