Fynbiesie

in Wikipedia, die vrye ensiklopedie
(Aangestuur vanaf Bulbostylis hispidula)

Fynbiesie
Wetenskaplike klassifikasie edit
Domein: Eukaryota
Koninkryk: Plantae
Klade: Tracheofiete
Klade: Angiospermae
Klade: Eensaadlobbiges
Klade: Commelinids
Orde: Poales
Familie: Cyperaceae
Genus: Bulbostylis
Spesie:
B. hispidula
Binomiale naam
Bulbostylis hispidula
(Vahl) R.W.Haines

Die fynbiesie (Bulbostylis hispidula (Vahl) R.W.Haines) is 'n plant wat inheems aan Suid-Afrika, Eswatini, Botswana en Namibië is. Die subspesie pyriformis kom in alle Suid-Afrikaanse provinsies behalwe die Wes-Kaap voor. Op die SANBI-rooilys is dit as 'veilig' (LC) gelys.[1]

Die spesie het 'n amper pantropiese verspreiding: Sentrale en noordelike Suid-Amerika, westelike, sentrale, noordoostelike, oostelike en suidelike Afrika, en suidelike Madagaskar. Daar is verskeie subspesies wat dalk 'n beperkter voorkomsgebied het, maar dit is nie heeltemal seker nie. Dit groei in verskeie habitatte soos grasland wat 'n vogtige seisoen ken, droë sanderige plekke, oop droë grasland of moerasse langs die kus.[2]

Dit is 'n eenjarige of meerjarige plant wat polle vorm en 'n houtagtige wortelstok het wat aromaties is. Die stamme is 50 - 80 cm hoog en ongeveer 0,5 - 1,5 mm in deursnee. Die blare is aan die stam se basis bevestig. Die skedes is liggroen en digbehaard tot amper kaal. Die blare is 0,5 mm breed en minder as 15 cm lank, dikwels net 1 - 2 cm. Dit kry eivormige stekeltjies 4-15 mm lank en 2-4 mm breed. Die chromosoomgetal is n=5[3]

Verwysings[wysig | wysig bron]

  1. "SANBI-rooilys" (in Engels). Geargiveer vanaf die oorspronklike op 13 Mei 2020.
  2. "eol" (in Engels). Geargiveer vanaf die oorspronklike op 13 April 2019.
  3. Fibres, Brink, M. & Achigan-Dako, E.G., PROTA, 2012, ISBN 9290814810, ISBN 9789290814818 bls. 68