Waterdikkop

in Wikipedia, die vrye ensiklopedie
(Aangestuur vanaf Burhinus vermiculatus)

Waterdikkop
Wetenskaplike klassifikasie
Domein:
Koninkryk:
Filum:
Klas:
Orde:
Familie:
Genus:
Spesie:
B. vermiculatus
Binomiale naam
Burhinus vermiculatus

Die waterdikkop (Burhinus vermiculatus) is 'n lid van die dikkopfamilie en 'n nagvoël, nes ander lede van die familie, maar meer aktief oordag as die ander dikkoppe. Dit kan bedags naby die oewers van riviere en mere gesien word, waar die voëls se natuurlike kamoeflering hulle byna onsigbaar maak tussen die rotse.

Identifikasie[wysig | wysig bron]

Hierdie voël is kleiner as die gewone dikkop. 'n Volwasse waterdikkop het 'n lengte van 41 cm en weeg 270 g. Die voël het 'n bruin kop met geel oë, 'n swart snawel en wit keel. Sy rug is ook bruin en sy bene grys van kleur. Die voël het 'n gehurkte postuur.

Verspreiding[wysig | wysig bron]

Waterdikkoppe kom algemeen in Afrika voor, suid van 5°N van Liberië, Suid-Somalië tot by Suid-Afrika. Hulle kom egter nie voor in die suidwestelike woestyngebiede van hierdie area nie.

Habitat[wysig | wysig bron]

Die voëls word oor die algemeen in moerasagtige gebiede en naby mere en riviere aangetref. Hulle word selde alleen aangetref en kom in pare of in 'n swerm voor.

Voortplanting[wysig | wysig bron]

Waterdikkoppe is monogaam, maar indien die maat van 'n waterdikkop sterf, sal hy of sy 'n nuwe maat soek. Hul neste word in die grond gebou waarin die wyfie tipies 1 tot 3 roomkleurige eiers lê.

Dieet[wysig | wysig bron]

Waterdikkoppe vreet meestal insekte en ander ongewerweldes, asook klein watergoggas.

Geluid[wysig | wysig bron]

Die klaende, fluitende roep van die waterdikkop kan snags gehoor word.

Ander name[wysig | wysig bron]

  • Engelse naam: Water Thick-knee (Dikkop)
  • Wetenskaplike naam: Burhinus vermiculatus

Sien ook[wysig | wysig bron]

Bronnelys[wysig | wysig bron]

Eksterne skakels[wysig | wysig bron]