Bwabwata Nasionale Park

in Wikipedia, die vrye ensiklopedie
Bwabwata Nasionale Park
'n Olifanttrop in die park
'n Olifanttrop in die park
Land Namibië
Provinsie Noordooste van Namibië
Naaste dorp Rundu, Katima Mulilo
Ligging van Bwabwata Nasionale Park op 'n kaart (Namibië)
Bwabwata Nasionale Park
Bwabwata Nasionale Park
Ligging in Namibië[1]
Koördinate: 17°57′0″S 22°32′24″O / 17.95000°S 22.54000°O / -17.95000; 22.54000Koördinate: 17°57′0″S 22°32′24″O / 17.95000°S 22.54000°O / -17.95000; 22.54000
Oppervlak 6274 km2
Openingsjaar 2007
Bestuursliggaam Ministry of Environment
and Tourism, Namibia

Bwabwata Nasionale Park is 'n beskermde gebied in die noordooste van Namibië wat in 2007 gestig is en beslaan 6 274 vk kilometer. Dit is geskep deur die samevoeging van Caprivi-wildtuin en Mahango-wildreservaat.[2] Dit is geleë in die Sambesistreek en Kawango-Oos en strek langs die Kaprivistrook. Dit word begrens deur die Okavangorivier in die weste en die Kwandorivier in die ooste. Angola lê in die noorde en Botswana in die suide.

Die gebied is 'n belangrike migrasieroete van Botswana na Angola vir Afrika-olifante en ander wildsoorte. Dit is 'n ongewone beskermde gebied, aangesien daar ongeveer 5 500 mense in die park woon. Die Namibiese regering betrek inwoners en bure van die park by die beplanning en bestuur van die park.[2]

Geografie en toegang[wysig | wysig bron]

Die park strek vir 40 km noord na suid en 190 km van wes na oos. Bwabwata is geleë in die Caprivi- en Kavango-streek, in die Kaprivistrook. Dit word begrens deur die Okavangorivier in die weste en die Kwandorivier in die ooste. Angola lê ten noorde en Botswana na die suide van die park.

Aan weerskante van die park is klein nedersettings - Kongola in die ooste en Divundu in die weste.

Die park is grotendeels nie omhein nie, maar die suidelike grens met Botswana het drie veeartseny-standaardheinings. Dit voorkom die verspreiding van siektes onder beeste, soos bek-en-klouseer.

Biologie en ekologie[wysig | wysig bron]

Bwabwata is geleë in 'n savanna boom- en struikbioom. Die plantsoorte sluit in die noordoostelike Kalahari-bosveld, Caprivi-mopaniebosveld, rivierbosveld en eilande, Okavango-vallei en die Caprivi-vloedvlaktes. Die landskap bestaan uit platbegroeide sandduine met ou dreineringslyne (Omuramba) tussenin.

Bwabwata vorm 'n belangrike oorgrensskakel vir wildbeweging tussen Angola, Botswana, Namibië en Zambië.

Verwysings[wysig | wysig bron]

  1. "Caprivi Game Park". protectedplanet.net. Geargiveer vanaf die oorspronklike op 13 September 2012.
  2. 2,0 2,1 Ministry of Environment and Tourism, Namibia 2011.