C/2019 Y4 (ATLAS)

in Wikipedia, die vrye ensiklopedie
Jump to navigation Jump to search
C/2019 Y4 (ATLAS)
2019Y4-20200314.jpg
C/2019 Y4 (ATLAS), afgeneem op 14 Maart 2020.
Ontdekking
Ontdek deur: ATLAS-opname
Ontdekkingsdatum: 28 Desember 2019
Wenteleienskappe
Epog: 19 Februarie 2020
(JD 2458908.5)
Afelium: 669,1457±3,3432 AE
Perihelium: 0,2528 AE
Lengteas: 334,6993±1,6722 AE
Eksentrisiteit: 0,99924
Baanhelling: 45,3842°
Volgende perihelium (voorspel): 31 Mei 2020

C/2019 Y4 (ATLAS), of Komeet ATLAS, is ’n komeet met ’n byna-paraboliese wentelbaan wat op 28 Desember 2019 deur die ATLAS-opname ontdek is.[1] Omstreeks 2 April 2020 het die komeet begin disintegreer.[2][3] Dit het al hoe dowwer geword en sal na verwagting nie weer helderder word nie.[4] Sulke opbrekings is algemeen onder Kreutz-sonskeerders.

C/2019 Y4 (ATLAS) was die helderste komeet van 2020 toe dit ’n skynbare magnitude van sowat 7 gehad het, maar sy magnitude is nou sowat 9[5] en dus sowat ses keer so dof as voorheen. Dit kan met ’n teleskoop gesien word in die sterrebeeld Kameelperd. Weens sy opbreking sal die komeet nooit met die blote oog sigbaar wees nie. Dit sal op 23 Mei 2020 op sy naaste punt aan die Aarde wees en op 31 Mei die naaste aan die Son (sy perihelium).

Op 6 April 2020 het sterrekundiges op die internetdiens The Astronomer's Telegram aangekondig dat Komeet ATLAS moontlik aan die opbreek is.[2][3][6] Dit het toe wel opgebreek, in minstens vier stukke,[7] moontlik as gevolg van ontgassing. Nasa het daarna aangekondig die Hubble-ruimteteleskoop het op 20 April omtrent 30 stukke geïdentifiseer en op 23 April sowat 25 stukke.[8]

Verwysings[wysig | wysig bron]

  1. Dickinson, David (25 Februarie 2020). "Comet Y4 Atlas in Outburst: First Good Comet for 2020?". Universe Today. Besoek op 29 Februarie 2020.
  2. 2,0 2,1 Ye, Quanzhi; Zhang, Qicheng (6 April 2020). "ATel #13620: Possible Disintegration of Comet C/2019 Y4 (ATLAS)" (in Engels). The Astronomer's Telegram. Geargiveer vanaf die oorspronklike op 24 April 2020. Besoek op 6 April 2020.
  3. 3,0 3,1 Steele, I.A.; Smith, R.J.; Marchantn, J. (6 April 2020). "ATel #13622: C/2019 Y4 ATLAS - confirmation of nuclear change". The Astronomer's Telegram (in Engels). Geargiveer vanaf die oorspronklike op 2 Mei 2020. Besoek op 7 April 2020.
  4. Seiichi Yoshida (14 April 2020). "C/2019 Y4 ( ATLAS )" (in Engels). Geargiveer vanaf die oorspronklike op 24 April 2020. Besoek op 17 April 2020.
  5. Ghosh, Trinankur. "Comet Observation database (COBS)". Besoek op 9 April 2020. (2019Y4 Chart)
  6. Lin, Zhang-Yi; et al. (13 April 2020). "ATel #13629: The fragmentation of comet C/2019 Y4 (Atlas) observed at Lulin observatory". The Astronomer's Telegram (in Engels). Geargiveer vanaf die oorspronklike op 13 Mei 2020. Besoek op 13 April 2020.
  7. Philipp Keller (Astrooptik) RC 900mm F/10
  8. Andreoli, Claire; Villard, Ray; Jewitt, David; Ye, Quanzhi (28 April 2020). "Hubble Watches Comet ATLAS Disintegrate Into More Than Two Dozen Pieces". www.nasa.gov. National Aeronautics and Space Administration. Besoek op 28 April 2020.

Eksterne skakels[wysig | wysig bron]