Camilla, Hertogin van Cornwall

in Wikipedia, die vrye ensiklopedie
Jump to navigation Jump to search
Camilla
Hertogin van Cornwall
Die Hertogin van Cornwall in 2018.
Die Hertogin van Cornwall in 2018.
Geboortenaam Camilla Rosemary Shand
Gebore 17 Julie 1947 (1947-07-17) (75 jaar oud)
Londen, Engeland
Eggenotes
Kinders
  • Tom Parker Bowles
  • Laura Lopes
Vader Bruce Shand
Moeder Rosalind Cubitt
Handtekening Camilla, Duchess of Cornwall signature.svg

Camilla, Hertogin van Cornwall (soms Cornwallis in Afrikaans) LG GCVOf CSM PC (gebore as Camilla Rosemary Shand, later Parker Bowles; 17 Julie 1947) is lid van die Britse koninklike familie. Sy is getroud met Charles, Prins van Wallis, die regmatige Britse troonopvolger, en sal outomaties die koningingemaal word as hy die troon bestyg.

Camilla het in Oos-Sussex en Suid-Kensington in Engeland grootgeword en het haar opvoeding in Engeland, Switserland en Frankryk ontvang. Sy het in 1973 met die Britse weermagoffisier Andrew Parker Bowles getrou en hulle het twee kinders gehad. Hulle is in 1995 geskei. Camilla was nou en dan romanties by prins Charles betrokke voor en tydens elk van hulle se eerste huwelik. Hulle verhouding het baie aandag in die internasionale pers ontvang. In 2005 het Camilla met prins Charles getrou in die Windsor Guildhall, en dit is gevolg deur 'n Anglikaanse kerkdiens in die St. George-kapel in Windsor-kasteel.

As die Hertogin van Cornwall kom Camilla openbare verpligtinge na, dikwels saam met haar man. Sy is ook die beskermpersoon, president of lid van verskeie welsyn- en ander organisasies. Sedert 1994 het Camilla 'n veldtog gevoer om mense bewus te maak van osteoporose, en daarvoor het sy verskeie pryse gewen. Sy het ook al bewustheid geskep vir sake soos verkragting, seksuele misbruik, geletterdheid, dierewelsyn en armoede.[1][2]

Verwysings[wysig | wysig bron]

  1. Johnston, Morgan (19 November 2012). "Camilla: the woman behind the image". New Zealand Woman's Weekly. Geargiveer vanaf die oorspronklike op 24 September 2015. Besoek op 7 Augustus 2015.
  2. "Camilla: The relaxed and friendly face of the monarchy". Belfast Telegraph. 28 Maart 2015. Geargiveer vanaf die oorspronklike op 31 Julie 2020. Besoek op 7 Augustus 2015.

Skakels[wysig | wysig bron]