Canon EF 17–40mm lens

in Wikipedia, die vrye ensiklopedie

Die EF 17–40mm f/4L USM lens is 'n wyehoeklens deur Canon Inc. vervaardig. Die lens het 'n EF-lenspassing om te kan werk met die EOS-lyn van kameras. Behalwe vir die voorste element, is dit verseël teen stof en water, en beskik oor 'n diafragma wat steeds byna sirkelvormig bly van f/4 tot f/8.

Aanbod[wysig | wysig bron]

Die 17–40mm is die goedkoopste van Canon se huidige wyehoekzoemlense vir volraamliggame, met die EF 16–35mm f/4L IS USM en EF 11–24mm f/4L USM wat duurder, en die EF 16–35mm f/2.8 L USM wat beide vinniger en duurder is. Dit weeg slegs 475 g, met afmetings van 83.5 mm x 96.8 mm, en is 'n gewilde keuse by baie fotograwe as gevolg van sy ligte en kompakte grootte.[1] As 'n lid van die L-reeks is die 17–40mm 'n goeie plaasvervanger vir die 16–35mm f/2.8 lens, wat swaarder is en ongeveer dubbel soveel kos. Let egter daarop dat Canon deesdae 'n beeldgestabiliseerde 16–35mm f/4-lens vir sowat $300 meer as die 17-40 verkoop.

Hierdie lens is ook 'n gewilde opgradering van die voorraadstellens op baie van Canon se EOS digitale kameras, die EF-S 18–55mm f/3.5–5.6, vir diegene wat nog steeds 'n wyehoeklens benodig. Op 'n gekropte sensor, het dit 'n 35 mm ekwivalente fokuslengte van 27–64mm. In hierdie rol vergelyk dit met die EF-S 17–55mm lens.

Metgesellense[wysig | wysig bron]

Hierdie lens word dikwels saam met 'n L-reeks-telefotolens, soos die EF 28–300mm f/3.5–5.6 L USM of enige van die EF 70–200mm familie van lense (f/4L USM, f/4L IS USM, f/2.8 L USM, f/2.8 L IS USM, f/2.8 L IS USM II) gebruik.

Verwysings[wysig | wysig bron]