Canon EF 35–350mm lens

in Wikipedia, die vrye ensiklopedie
Jump to navigation Jump to search

Die EF 35–350mm f/3.5–5.6 L USM-lens is 'n gestaakte telezoemlens wat deur Canon vervaardig is.

Hierdie lens het 'n EF-tipe passing, wat pas op die Canon EOS-lyn van kameras. Dit is in Januarie 1993 vrygestel. Met die hoogste zoemverhouding (10x) van enige verwisselbare SLR lens destyds, was die lens gewild onder fotojoernaliste. Dit is onlangs vervang deur die Canon EF 28–300mm lens. Wanneer dit gebruik word op 'n digitale EOS kamera met 'n kropfaktor van 1.6x, soos op die Canon EOS 7D, bied dit 'n smal sigveld, wat gelykstaande is aan 'n 56–560mm lens gemonteer op 'n 35mm raamliggaam.[1][2]

Die Canon EF 35-350mm L USM, gedeeltelik verleng.

Die lens bevat 21 elemente in 15 groepe. Synde 'n L-reekslens, beskik dit oor twee ultra-lae verstrooiingelemente, en maak gebruik van Canon se ring-USM vir vinnige en geruislose fokus. Dit het 'n stoot-en-trek zoemontwerp met die moontlikheid om die lens op die gewenste brandpunt te sluit. Die lens vertoon sterk loopverwringing en chromatiese afwyking aan sy wye ent. Op 'n APS-C-liggaam, toon die lens amper geen senterverheldering, selfs op sy maksimum diafragma, f/5.6, by 350mm.[2]

Sien ook[wysig | wysig bron]

Verwysings[wysig | wysig bron]

  1. Canon. "EF35–350mm f/3.5–5.6L USM". Canon Camera Museum. Besoek op 26 Desember 2010. 
  2. 2,0 2,1 "Canon EF 35–350mm f/3.5–5.6 USM L — Review / Test Report". photozone.de. Besoek op 26 Desember 2010. 


Hierdie artikel is in sy geheel of gedeeltelik vanuit die Engelse Wikipedia vertaal.