Canon EF 70–300mm lens

in Wikipedia, die vrye ensiklopedie
Jump to navigation Jump to search

Die EF 70–300mm lens  is 'n telefoto zoemlens wat deur Canon Inc. vervaardig word. Die lens het 'n EF-lenspassing om met die EOS-lyn van kameras te werk.

Vier Canon EF telezoemlense dra die 70–300mm benaming. Hulle is die EF 70–300mm f/4.5–5.6 DO IS USM, EF 70–300mm f/4–5.6L IS USM, EF 70–300mm f/4–5.6 IS USM en die EF 70–300mm f/4–5.6 IS II USM. Al die weergawes bied IS en USM en het byna dieselfde maksimum lensopening van 4/4.5 5.6 oor hul hele fokusafstand. Die optika van die Canon EF 70–300mm f/4-5.6 L USM lens sluit 19 elemente in 14 groepe in, met twee wat ultra-lae verstrooiingglas het.

EF 70–300mm f/4.5–5.6 DO IS USM[wysig | wysig bron]

Die EF 70–300mm f/4.5–5.6 DO IS USM-lens

Hierdie lens maak gebruik van Canon se Diffraksie Optika eerder as 'n tradisionele lens met volrefraktiewe ontwerp. Dit maak die lens meer kompak, hoewel swaarder en baie duurder as 'n lens met konvensionele ontwerp. Die lens bevat beeldstabilisering en 'n ring USM, wat voltydse handfokus van die lens toelaat terwyl die kamera vir enkelskote gebruik word. Hierdie lens bied goeie optiese gehalte, die enigste nadeel is dat die diffraksie-element nie so goed vaar met sterk ligbronne as die konvensionele ontwerpe nie.[1]

Hierdie lens is versoenbaar met die Canon ET-65B lenskappie.[2]

EF 70–300mm f/4–5.6 IS USM[wysig | wysig bron]

Die EF 70–300mm f/4-5.6 IS USM lens met 'n opsionele filter aangeheg.

Hierdie lens is van 'n konvensionele ontwerp, en is in 2005 vrygestel met verbeterde prestasie teen die vorige 75-300mm lense in die Canon EF lensreeks.[3][4] Soos die 70–300mm f/4.5–5.6 DO beskik dit oor 'n beeldstabiliseerder. Vir fokus maak dit egter gebruik van die laer gehalte mikro-USM ontwerp, en daarom moet die fokusmotor eers ontkoppel word voor handfokus. Die optiese prestasie van hierdie lens is mededingend met Canon se L-reeks telezoemlense, soos die 70–200mm-reeks lense.

Hierdie lens is versoenbaar met die Canon ET-65B lenskappie.[2]

EF 70–300mm f/4-5.6 L IS USM[wysig | wysig bron]

Die EF 70–300mm f/4-5.6 L IS USM lens

Hierdie lens, wat op 26 Augustus 2010 vrygestel is, is ontwerp om professionele fotograwe met die 70–300 mm zoemreeks te voorsien sonder om afbreuk te doen aan die hoë kwaliteit van die beeld. Die 70–300 mm f/4-5.6 L IS USM is die enigste L-reeks 70–300 mm lens en is die enigste een met weerverseëling. Die beeldstabiliseerder is gegradeer vir 4 stoppe en verseker dat skerp foto's per hand geneem kan word teen 'n spoed so stadig as 1/8 van 'n sekonde. Hierdie lens het uitstekende kontras wat voldoen aan, of die ander L-reeks telefotozoem oorskry, maar bied nie skerpte in die hoeke van die meeste van sy fokusreeks nie. Die kwaliteit van die beeld verswak egter nie op 300 mm nie, wat dit onderskei van ander 70–300 mm lense. Danksy sy vinnige outofokus, sy benutbare strekking, uitstekende beeldstabilisering en 'n hoë kwaliteit beeld, het die 70–300mm f/4-5.6 L onlangs gewild geword onder ernstige amateur- en professionele fotograwe. Die 70–300mm f/4-5.6 L sluit 'n kappie in, maar nie 'n driepootring nie.

EF 70–300mm f/4-5.6 IS USM II[wysig | wysig bron]

Die Canon EF 70-300 mm f/4.5-5.6 IS USM II lens, wat op 15 September 2016 bekend gestel is, is slegs die tweede Canonlens toegerus met Nano USM tegnologie, 'n fokusmotor wat die voordele van 'n ring USM (ultrasoniese motor) kombineer met hoë-spoed AF tydens skietwerk.[5] Die lens beskik ook oor nuwe LCD-inligtingvertoon en vierstop-beeldstabilisering. Dit sal beskikbaar wees in November 2016, vir 'n geskatte kleinhandelprys van $549.99.[5] Om die nuwe lens te ondersteun, sal baie van die huidige Canon-kameras nuwe "firmware"-sagteware benodig.[6]

Spesifikasies[wysig | wysig bron]

Eienskap f/4.5–5.6 DO IS USM f/4–5.6 IS USM f/4–5.6L IS USM f/4–5.6 IS II USM
Beeldstabiliseerder Ja, 3de geslag Ja, 4de geslag
Omgewingsverseëling Nee Ja Nee
Ring USM Ja Nee Ja Nee
Mikro USM Nee Ja Nee
Nano USM Nee Ja
L-reeks Nee Ja Nee
Diffraksie Optika Ja Nee
Ultra-lae verstrooiingglaselement Nee Ja
Makro Nee
Maksimum lensopening f/4.5–5.6 f/4–5.6
Minimum lensopening f/32–38,

f/32–40 (1/3-stop-
inkremente)

f/32–45
Massa 720 g 630 g 1050 g 710 g
Maks. Diameter x Lengte 82.4 x 99.9 mm 76.5 x 142.8 mm 89 x 143 mm 80 x 146 mm
Filter diameter 58 mm 67 mm
Horisontale sighoek 29°–6°50'
Vertikale sighoek 19°30'–4°35'
Diagonale sighoek 34°–8°15'
Groepe/elemente 12/18 10/15 14/19 12/17
Aantal diafragmalemme 6 8 9
Kortste fokusafstand 1.4 m 1.5 m 1.2 m
Maksimumvergroting .19x .25x .21x .25x
Vrygestel in Januarie 2004 Augustus 2005 Oktober 2010 September 2016
± Verkoopsprys in VS$ $1,149.88 $549.00 $1,599.00 $549.00

Verwysings[wysig | wysig bron]