Capitol Records

in Wikipedia, die vrye ensiklopedie
Capitol Records


Tipe Dogteronderneming
Gestig 1942
Hoofkantoor Hollywood, Los Angeles, KaliforniëVerenigde State
SleutelpersoneJohnny Mercer, Buddy DeSylva, Glenn E. Wallichs (stigters)
Gebied bedienWêreldwyd
IndustrieMusiek-/Vermaakbedryf
MoedermaatskappyUniversal Music Group (UMG)
Webwerfcapitolrecords.com

Capitol Records (dikwels kortweg Capitol en soms ook Hollywood and Vine genoem) is een van die groter Amerikaanse plaatetikette. Dit word bedryf as 'n afdeling van die Capitol Music Group.

Richard Wyatt se befaamde muurskildery Hollywood Jazz: 1945-1972, net buite die etiket se hoofkantoorgebou Capitol Records Tower, is tot sy volle glorie gerestoureer

Capitol Records is oorspronklik in 1942 as die eerste groot plaatetiket aan die Amerikaanse weskus deur drie ingewydes uit die vermaakbedryf - die liedjieskrywer Johnny Mercer, die rolprentvervaardiger Buddy DeSylva en die sakeman Glenn E. Wallichs (1910–1971, eienaar van die destyds grootste platewinkel in Los Angeles, Wallichs Music City) - in Hollywood gevestig waar die onderneming se ronde kantoorgebou, Capitol Records Tower, wat ontwerp is om soos 'n stapel plate te lyk, lank reeds 'n ikoniese baken geword het. Daarnaas geniet ook sy musiekateljee, Capitol Studios, wêreldfaam.[1]

In 1955 is die maatskappy deur die Britse musiekkonglomeraat EMI Group oorgeneem om as sy Amerikaanse dogteronderneming te dien. EMI is op sy beurt in 2012 oorgeneem deur die Universal Music Group (UMG) waarmee dit een jaar later saamgesmelt het. Beide Capitol Records en die Capitol Records Group maak tans deel uit van UMG.

Musikale kunstenaars, wat 'n kontrak met Capitol Records onderteken het, sluit Special Forces, Paul McCartney, Mary J. Blige, The Beach Boys, die Beastie Boys, Neil Diamond, die Eagles, Katy Perry, Brian Wilson, Beck, Avenged Sevenfold, 5 Seconds of Summer, Don Henley, Sam Smith, NF, Emeli Sandé, Troye Sivan, Calum Scott, Tori Kelly, Jon Bellion, Niall Horan en Minus Gravity in. In die verlede het ook plate, wat onder meer deur The Beatles, Frank Sinatra en Nat King Cole opgeneem is, op die Capitol Records-etiket verskyn.

Verwysings[wysig | wysig bron]