Carlos Alcaraz
.jpg) | ||
| Carlos Alcaraz in 2025 | ||
| Volle naam | Carlos Alcaraz Garfia | |
|---|---|---|
| Land | Spanje | |
| Woonplek | Villena, Spanje | |
| Geboortedatum | 5 Mei 2003 | |
| Geboorteplek | El Palmar, Murcia, Spanje | |
Carlos Alcaraz Garfia (Spaanse uitspraak: [ˈkaɾlos alkaˈɾaθ ɣaɾˈfi.a]; gebore 5 Mei 2003) is 'n Spaanse professionele tennisspeler. Hy is deur die Association of Tennis Professionals (ATP) as wêreldnommer 1 in mans enkelspel geklassifiseer, insluitend as die nommer 1 mans-enkelspelspeler aan die einde van 2022. Alcaraz het reeds 20 ATP Toer-vlak enkelstitels gewen, waaronder vyf Grandslam-titels en sewe ATP 1000-titels.
Alcaraz het sy professionele loopbaan in 2018 op die ouderdom van 15 begin. In Mei 2021 het hy vir die eerste keer onder die top 100 op die ranglys ingeskuif, en daardie jaar onder die top 35 geëindig, nadat hy die kwarteindrondtes van die VSA-Ope bereik het. In Maart 2022 het hy sy eerste ATP 1000-titel beklink tydens die Miami Open op 18-jarige ouderdom. Alcaraz het sy eerste Grandslam-titel tydens die 2022 VSA-Ope gewen, en is die jongste man en die eerste tiener (op 19 jaar, 4 maande en 6 dae oud) in die ope-tydperk wat eerste plek kon behaal op die mans-enkelspelranglys.[1][2] Deur 2022 af te sluit as die jongste wêreldnommer 1 in die ATP se geskiedenis, is hy vir die prestasie aangewys as die Laureus Wêrelddeurbraak van die Jaar.[3]
In 2023 het Alcaraz sy eerste Wimbledon-titel gewen, waartydens hy die sewevoudige kampioen Novak Djokovic in 'n epiese eindtstryd geklop het. In 2024 het hy onderskeidelik sy derde en vierde Grandslam-titels ingeoes tydens die Franse Ope en Wimbledon-kampioenskap, opgevolg met 'n silwermedalje tydens die Olimpiese Spele in Parys. Hy het sy vyfde Grandslam-titel tydens die eindstryd van die Franse Ope in 2025 verower in nog 'n manjifieke en klassieke kragtoer, nadat hy 'n agterstand van twee stelle uitgewis het teenoor die speler met die hoogste rangposisie, Jannik Sinner.[4] Alcaraz is tans die wêreldnommer 2 speler in mans enkelspeltennis.
Verwysings
[wysig | wysig bron]- ↑ "Alcaraz wins US Open title & rises to world No. 1". ATP Tour. 11 September 2022. Geargiveer vanaf die oorspronklike op 12 September 2022. Besoek op 12 September 2022.
- ↑ "Alcaraz becomes youngest world No. 1 in Pepperstone ATP rankings history". ATP Tour. 11 September 2022. Geargiveer vanaf die oorspronklike op 12 September 2022. Besoek op 12 September 2022.
- ↑ "Carlos Alcaraz Youngest Year-End ATP No. 1 Presented By Pepperstone In History". ATP Tour. Geargiveer vanaf die oorspronklike op 16 November 2022. Besoek op 26 November 2022.
- ↑ "Alcaraz wins longest French Open final in five sets after saving 3 match points against Sinner". AP News (in Engels). 8 Junie 2025. Besoek op 8 Junie 2025.
