Carlos de Eizaguirre (skip)

in Wikipedia, die vrye ensiklopedie
Jump to navigation Jump to search
Carlos de Eizaguirre

Die Carlos de Eizaguirre was 'n Spaanse passasiers- en vragskip wat tydens die Eerste Wêreldoorlog naby Robbeneiland deur 'n seemyn gelê deur die Wolf (skip) gekelder is. Hierdie was een van die ergste tragedies wat die Spaanse handelsvloot ooit getref het. Die tweeskroef-stoomskip van 4 376 ton is in 1904 in Engeland gebou. Op 23 April 1917 het dit die hawe van Barcelona verlaat en was via Cadiz en Kaapstad na Manila in die Filippyne onderweg. Weens die oorlog kon die gebruiklike roete deur die Suezkanaal nie gebruik word nie. Aan boord was ongeveer 106 bemanningslede en 39 passasiers. Om 3vm. op 26 Mei was daar 'n ontploffing aan stuurboord. In 'n onstuimige see en in swaar reën sink die skip binne 5 minute op 'n afstand van 24 km vanaf Kaapstad. Slegs een reddingsboot kon te water gelaat word en net 24 mense het die ramp oorleef. Agt lyke het in die omgewing van Kaapstad uitgespoel.

Bronne[wysig | wysig bron]