Afrikaanse swerwer

in Wikipedia, die vrye ensiklopedie
(Aangestuur vanaf Catopsilia florella)
Jump to navigation Jump to search

Catopsilia florella
African Migrant - Catopsilia florella.jpg
Afrikaanse swerwer
Wetenskaplike klassifikasie
Koninkryk:
Filum:
Klas:
Orde:
Familie:
Genus:
Spesie:
C. florella
Binomiale naam
Catopsilia florella
(Linnaeus, 1764)[1]
Sinonieme
  • Papilio florella Fabricius, 1775
  • Colias pyrene Swainson, 1821
  • Callidryas hyblaea Boisduval, 1836
  • Callidryas rhadia Boisduval, 1836
  • Pontia marcellina Bertoloni, 1850
  • Catopsilia aleurona Butler, 1876
  • Catopsilia rufosparsa Butler, 1880
  • Callidryas swainsoni Westwood, 1881
  • Catopsilia florella ab. subpyrene Strand, 1911
  • Catopsilia florella florella f. inornata Dufrane, 1947
  • Catopsilia florella florella ab. biannulata Dufrane, 1947
  • Catopsilia florella florella ab. houzeaui Dufrane, 1947
  • Catopsilia florella f. peregrina Stoneham, 1957
  • Catopsilia florella f. duplicata Stoneham, 1957
  • Catopsilia florella f. wandriana Stoneham, 1957

'n Afrikaanse swerwer [2] is 'n vlinder, Catopsilia florella, en behoort tot die familie van Witjie-skoenlappers (Pieridae). In Engels staan dit bekend as die African migrant.

Verspreiding[wysig | wysig bron]

Dit kom voor in Afrika suid van die Sahara, insluitend Senegal, Gambië, Guinee-Bissau, Guinee, Mali, Sierra Leone, Liberië, die Ivoorkus, Burkina Faso, Ghana, Togo, Benin,[3] Nigerië, Niger, Kameroen, Ekwatoriaal Guinee, Bioko, Gaboen, die Kongo, Angola, Sentraal-Afrikaanse Republiek, die Demokratiese Republiek van die Kongo, Tsjad, Soedan, Ethiopië, Uganda, Rwanda, Burundi, Kenia, Tanzanië, Malawi, Zambië, Mosambiek, Zimbabwe, Botswana, Namibië, Suid-Afrika (al nege provinsies), eSwatini, Lesotho. Ook in Madagaskar, Réunion, Mauritius, Comore-eilande, die Seychelle (eiland van Aldabra), Arabië.

Dit kom ekstralimitaal voor in die Kanariese Eilande (sedert die 1960's), Egipte, Israel, Libanon, Indië (volgens Larsen (2005a) waarskynlik nie hier 'n inwoner nie) en Sri Lanka (soos Indië, nie 'n inwoner hier nie).[4]

Habitat[wysig | wysig bron]

Die Afrikaanse swerwer kom voor in die meeste habitatte, uitgesluit digte bos, woestyn en ysige bergsones. Dit blyk dat die wye habitat-toleransie waarskynlik te danke is aan die migrasiekarakter van die spesie. Werklike broeibevolkings kom waarskynlik meestal voor in die droë en vogtige savannesones, want dit is waar die larwe se gasheerplante voorkom.[4]

Kenmerke en migrasie[wysig | wysig bron]

Soos die algemene naam aandui, is die vlinder 'n swerwer. Die vlug is kragtig, direk en 'n paar meter bo die grond. Mannetjies se kleur is wit en wyfies kan wit of geel wees.[5] Albei geslagte voed op blomme en mannetjies word dikwels by modderpoele gesien.

Migrasies in Suider-Afrika is gewoonlik in 'n noordoostelike rigting en vind hoofsaaklik gedurende middel- tot laatsomer plaas. Geel wyfies oorheers oor die wit wyfies in die migrasies wanneer dit in die herfs voorkom. Die bron van die migrasies in Suider-Afrika is vermoedelik Boesmanland, in die gebied suid van Kenhardt, maar meer navorsing is nodig. Wanneer hulle nie migreer nie, is albei geslagte se vlug lukraak.[4]

Verwysings[wysig | wysig bron]