Cave canem, prisonnier de guerre à Rome

in Wikipedia, die vrye ensiklopedie
Jump to navigation Jump to search
Gérôme - Cave Canem.jpg
Mona Lisa
Jean-Léon Gérôme, 1881
Olie, 109 × 91 cm
Musée Georges-Garret

Cave canem, prisonnier de guerre à Rome (Cave canem, krygsgevangene in Rome) is 'n olieverfskildery deur Jean-Léon Gérôme uit die jaar 1881. Die skilderstuk word bewaar in die Musée Georges-Garret, te Vesoul, in Frankryk.[1].

Konteks en ontleding van die skildery[wysig | wysig bron]

In 'n huis in Pompeii word 'n inskripsie ontdek met die waarskuwing Cave canem, wat beteken pasop vir die hond. Hierdie ontdekking lewer genoegsame diskoers tussen kunstenaars en intellektuele van die era op (1824-1825) om Gérôme te besiel. Die skildery is omgeef met 'n raaiselagtige dampkring, waar 'n krygsgevangene vas aan kettings uitgebeeld word. Dit kan gesien word as 'n soort waarskuwing: dat onderdrukking oorgaan in opstand.

Rondom die slawerny van volkere in ou Rome as onderwerp, is Gérôme geïnspireer deur die roman Salammbô deur Gustave Flaubert, veral die volgende aanhaling:[2]

Latyn Afrikaans
Ils traversèrent d’autres couloirs, d’autres salles, et arrivèrent enfin devant une porte où pour le garder mieux un homme était attaché par le ventre à une longue chaîne scellée dans le mur. Hulle loop deur ander gange, ander vertrekke, en kom uiteindelik by 'n deur uit waar dit vir die aanhouding beter was om 'n mens deur sy maag aan 'n lang ketting aan die muur vas te maak.

As aanhanger van die akademiese kuns, verdiep Gérôme hom in die onderwerpe van die klassieke oudheid. Die uitbeelding is wat betref die beligting, die sentrering, die kontras en agtergrond sy tyd vooruit; agterna beskou toon die werk verrassende trekke met die moderniteit, met 'n karakter soortgelyk aan dié uit die meesterwerke van die rolprentteater.[3]

Verwysings[wysig | wysig bron]

  1. Peindre l'histoire / Musées en Franche-Comté
  2. Jean-Jacques Lévêque. 1990. Les années impressionnistes Courbevoie. ISBN:2-86770-042-6.
  3. Cave Canem, de Jean-Léon Gérôme (Vesoul) (Franchement comtois)
Hierdie artikel is in sy geheel of gedeeltelik vanuit die Franse Wikipedia vertaal.