Cazombo-brug
Die Cazombo-brug is ‘n brug oor die Zambezirivier in Angola.
Die brug is by 11° 54′ 22″ suid en 22° 49′ 52″ oos in die Moxico-provinsie. Dit is die enigste brug in Angola oor die Zambezi.
Tydens die Angolese burgeroorlog is die brug deur bombardering ernstig beskadig. Na ingrypende herstelwerk is dit in 2008 heropen. Van 2011 tot 2014 is egter ‘n nuwe brug gebou. Dit is 160m lank en 11m breed met aan beide kante ‘n voetpad. In 2018 is ook die pad van Luau na Cazombo herbou.