Chappell Roan

Chappell Roan
Roan in 2025
Agtergrondinligting
Geboortenaam	Kayleigh Rose Amstutz
Gebore	19 Februarie 1998 (1998-02-19) Willard, Missouri, VSA
Genres	Popmusiek
Beroep(e)	Musikant
Instrumente	Stem
Jare aktief	2015–hede
Webwerf	iamchappellroan.com

Kayleigh Rose Amstutz (gebore 19 Februarie 1998), beter bekend onder haar verhoognaam Chappell Roan, is 'n Amerikaanse sangeres. Sy is bekend vir haar teatrale- en fopdosser-geïnspireerde estetika. Haar debuut-mini-album, School Nights (2017), is deur Atlantic Records vrygestel. Ná jare sonder sukses is sy in 2020 deur die platemaatskappy laat gaan. Haar debuut-studioalbum, The Rise and Fall of a Midwest Princess (2023), is deur Island Records uitgereik en het kritiese lof ontvang. Die album het ’n kultusaanhang verwerf en 'n sogenaamde sluimer-treffer geword.

Roan het in 2024 wye bekendheid verwerf met die enkelsnit "Good Luck, Babe!", wat die vierde plek op die Amerikaanse Billboard Hot 100 bereik het en wêreldwyd as 'n top-vyf-enkelsnit geëindig het. Die lied het die vertraagde kommersiële deurbraak van haar debuutalbum uit 2023 aangehelp; die album het daarna die trefferlyste in die Verenigde Koninkryk, Ierland en Nieu-Seeland aangevoer en die tweede plek op die Amerikaanse Billboard' 200 behaal. Verskeie albumsnitte het vervolgens ook op internasionale trefferlyste verskyn, waaronder "Hot to Go!" en "Pink Pony Club", wat albei die top vyf in die Verenigde Koninkryk bereik het. By die 67ste Grammy-toekennings is Roan een van slegs 15 kunstenaars wat in een aand vir al vier die sogenaamde "Groot Vier"-toekennings benoem is, en sy het die toekenning vir Beste Nuwe Kunstenaar gewen.

Diskografie

Ateljee-album

• The Rise and Fall of a Midwest Princess (2023)

Eksterne skakel

• Wikimedia Commons het meer media in die kategorie Chappell Roan.

• Hierdie artikel is in sy geheel of gedeeltelik uit die Engelse Wikipedia vertaal.
• (en) Amptelike webwerf