Charlotte Maxeke-hospitaal

in Wikipedia, die vrye ensiklopedie
'n Verafskoot van die reuse hospitaalkompleks

Die Charlotte Maxeke-hospitaal (voorheen Johannesburgse Algemene Hospitaal) is 'n geakkrediteerde algemene hospitaal in Parktown, Johannesburg, Gauteng, Suid-Afrika. Dit is vernoem na Charlotte Maxeke.

Stigting en vermoë[wysig | wysig bron]

Die hospitaal is deur Concor gebou op die terrein van Hohenheim, die eerste herehuis in Parktown, die huis van Heer Lionel en Dame Florence Phillips. Die hoofstruktuur is in 1979 geopen.

Die hospitaal het 1 088 bruikbare beddens. Die professionele en ondersteuningspersoneel van die hospitaal is meer as 4000 mense.

Opleiding[wysig | wysig bron]

Dit is ook die belangrikste onderrighospitaal vir die Universiteit van die Witwatersrand se fakulteit van Gesondheidswetenskappe. Die instelling bied die diensbasis vir voor- en nagraadse opleiding in alle gesondheidsberoepe.

Die gesamentlike personeel lewer navorsing van wêreldgehalte en werk saam met verskeie universiteite op die vasteland en in die buiteland. Die hospitaal bied 'n volledige reeks tersiêre, sekondêre en hoogs gespesialiseerde dienste.

Die koste verbonde aan die verskaffing van hierdie dienste aan die bevolking van die Gauteng provinsie, benewens die naburige provinsies, word befonds deur 'n Nasionale Tersiêre Dienstetoelaag, sowel as provinsiale toekennings.

Die hospitaal dien ook as verwysingshospitaal vir 'n aantal hospitale in sy verwysingslyn.[1]

Probleme[wysig | wysig bron]

In 2012 het die Sunday Times van Suid-Afrika verslag gelewer oor 'n kritieke tekort aan toerusting en mannekrag wat mediese sorg bedreig het.[2]

Verwysings[wysig | wysig bron]

  1. Amptelike webtuiste Geargiveer 22 September 2009 op Wayback Machine
  2. Katherine Child, Chandre Prince (14 Augustus 2012). "Doctors warn that Johannesburg hospital is terminally SICK!". Sunday Times. Besoek op 16 Junie 2014.