Chemiegebou UP

in Wikipedia, die vrye ensiklopedie
Jump to navigation Jump to search

Die Chemiegebou op die Hatfieldkampus van die Universiteit van Pretoria is 'n moderne siersteenstruktuur, wat kenmerkende eienskappe van die Hollandse Baksteenmodernisme toon. Dit is in 1943, midde-in die Tweede Wêreldoorlog, gebou toe die Ou Chemiegebou heeltemal ontoereikend vir die groeiende getal studente geword het danksy die nuutgestigte Fakulteit Gesondheidswetenskappe/Mediese Fakulteit. Die gebou is deur Gerard Moerdyk en H Watson ontwerp. Die gedetailleerde reliëf aan die voorkant beeld elemente van chemie uit. Die oostelike vleuel is in 1956 opgerig en twee jaar later is die derde verdieping voltooi. Vandag word die gebou in sy geheel deur die Departement Chemie beset.[1]

Verwysings[wysig | wysig bron]

Koördinate: 25°45′11″S 28°13′51″O / 25.753076°S 28.230848°O / -25.753076; 28.230848