Cheves Perky
 | Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Mary Cheves West Perky | |
|---|---|
| Gebore | 1874 |
| Sterf | 1940 |
| Nasionaliteit | Amerikaans |
| Ander name | Cheves Perky |
| Alma mater | Cornell Universiteit |
| Beroep | Sielkundige |
| Bekend vir | Perky Effek |
Mary Cheves West Perky (1874–1940) was 'n Amerikaanse sielkundige en een van die een-en-twintig vroulike studente wat by Edward B. Titchener aan Cornell Universiteit gestudeer het. Sy het in 1910 'n Ph.D. vir haar baanbrekers werk oor visuele, ouditiewe en reukbeelde verwerf. Haar bevindings het 'n aansienlike impak gehad. Dit is so onlangs as 2012 steeds by name aangehaal in 'n wetenskaplike artikel. [1] Volgens haar bevindinge is persepsie nie bloot 'n voorstelling van die eksterne wêreld nie, maar word dit ook deur gedagtes, verwagtinge en verbeelding beïnvloed. In dieselfde jaar het sy die "Piesang-eksperiment" uitgevoer wat aangedui het hoe persepsie en visuele beelde verwar kan word; 'n verskynsel bekend as die Perky Effect. Sy het tot die gevolgtrekking gekom dat verbeelding nie bloot 'n ligte vorm van persepsie is nie, maar dat dit ons sintuiglike persepsies direk kan beïnvloed, [2] wat dan weer die verband tussen verbeelding en visuele persepsie na vore bring. [3]
Perky het ook koöperatiewe beweging bestudeer, 'n groep georganiseerde aktiwiteite wat daarop gemik is om voordele en wedersydse bystand onder sy lede te bewerkstellig. Haar betrokkenheid het daartoe aanleiding gegee dat sy die mede-sekretaris van die Cooperative League of America geword het. [4]
Perky Effek
[wysig | wysig bron]Die eksperimente wat Perky in 1910 in Titchener se laboratorium uitgevoer het, word beskou as klassieke eksperimente in die geskiedenis van sielkunde en navorsing oor verbeelding en persepsie. [5]
Sy het afdoende gewys hoe sensoriese insette en verbeelding interaksie het, en hoe sensoriese insette dan verwar kan word met innerlike beelde, oftewel verbeelding. Haar navorsing, wat bekend staan as die Perky Effek, beskryf die resultaat wanneer 'n subjek se visuele persepsie verander word deur 'n reeks beelde voor te stel. [6]
Om haar hipotese te toets, het sy
... haar deelnemers opgelei om na 'n leë skerm te kyk en 'n voorwerp soos 'n stukkie vrug te probeer voorstel. Sy het doelbewus vir hulle die kategorie gegee sonder om 'n spesifieke soort vrug voor te stel, en toe vir haar deelnemers gevra om op 'n punt op 'n skerm voor hulle te fokus en om hul verbeelde voorwerp op daardie plek te visualiseer. Tydens hierdie proses is dowwe beelde, soos 'n geel halfmaan, 'n piesang, 'n tamatie, of 'n lemoen, in sagte fokus net bokant die sigbaarheidsdrumpel geprojekteer. [7] Tipies het deelnemers gerapporteer dat hulle 'n voorwerp voorstel wat by die geprojekteerde vorms pas, aloewel hulle onbewus was van die projeksie. [8] Perky het hulle gelei om te aanvaar dat 'n fisiese stimulus voorgestel is. Hierdie verwarring staan bekend as die Perky Effek.
Die beelde is aan die begin teen 'n baie lae helderheid geprojekteer en het dan geleidelik toegeneem in helderheid. Die deelnemers is gevra om die voorwerpe te beskryf wat ooreenstem met die beeld wat geprojekteer word.
... nie een van Perky se proefpersone (wat gewissel het van 'n tienjarige kind tot ervare introspekteurs van Titchener se laboratorium) het ooit besef dat hulle werklike persepsies ervaar het nie; hulle het aangeneem dat dit wat hulle op die skerm "gesien" het, geheel en al die produkte van hul verbeeldings was. Die projeksies het egter hul ervarings beïnvloed. [9]
Deelnemers het gerapporteer dat hulle geglo het dat hulle die geprojekteerde beelde verbeel, eerder as om dit werklik waar te neem. Daarbenewens het hulle ook gerapporteer dat hulle die innerlike beelde in groter detail "sien" as wat in die stimulus aangebied is. Deur haar navorsing is dit aangetoon dat verbeelding uit kort- en langtermynherinneringe afgelei kan word, vanweë die vermoë daarvan om herroeping te verbeter. Perky het ook onderskei tussen "beelde van geheue" en "beelde van verbeelding." Beelde van geheue is persoonlike episodiese beelde en word geassosieer met meer oogbewegings en gevoelens van bekendheid. Beelde van verbeelding is meer algemeen, het min betekenis vir 'n individu en kan geassosieer word met gevoelens van verbasing. [10]
Die Perky Effek, wat die verband tussen verbeelding en visuele persepsie beskryf, was 'n grondslag vir voortgesette navorsing in visuele persepsie en verbeelding. Haar studies het replikasies en verdere verkenning geïnspireer van die wyses waarop persepsie en verbeelding aspekte soos gesigskerpte kan beïnvloed. [11]
Geselekteerde werke
[wysig | wysig bron]- Perky, Cheves West. "An experimental study of imagination." The American Journal of Psychology 21.3 (1910): 422-452.
- Perky, Cheves West. Cooperation in the United States. Intercollegiate Socialist Society, 1919.
- Perky, Cheves West. "Children in the Museum." Bulletin of the Pennsylvania Museum 27.143 (1931): 11-14.
Verwysings
[wysig | wysig bron]- ↑ Proctor, Robert W.; Evans, Rand (1 Januarie 2014). "E. B. Titchener, Women Psychologists, and the Experimentalists". The American Journal of Psychology (in Engels). 127 (4): 501–526. doi:10.5406/amerjpsyc.127.4.0501. ISSN 0002-9556. PMID 25603585.
- ↑ Cheves West Perky (Julie 1910). "An Experimental Study of Imagination". The American Journal of Psychology. 21 (3): 422–452. doi:10.2307/1413350. JSTOR 1413350.
- ↑ Waller, David (2012). "A Century of Imagery Research: Reflections on Cheves Perky's Contribution to Our Understanding of Mental Imagery". The American Journal of Psychology. 125 (3): 291–305. doi:10.5406/amerjpsyc.125.3.0291. JSTOR 10.5406/amerjpsyc.125.3.0291. PMID 22953689.
- ↑ Hart, Albert Bushnell (1918). "1917 American Year Book". Google Books. Besoek op 9 Maart 2015.
- ↑ The Perky Experiment: https://plato.stanford.edu/archIves/sum2020/entries/mental-imagery/perky-experiment.html
- ↑ What is The Perky Effect In Behavioral Science? https://www.thebehavioralscientist.com/glossary/perky-effect
- ↑ Hopkins, R. (2012). What Perky did not show. Analysis, 72(3), 431-439.
- ↑ Burnett, D. G. (2024). The eye and the mind: Mary Cheves West Perky, imaginative phenomenology, and the historiography of reverse hallucination. History and Theory, 63(3), 342-365.
- ↑ The Perky Experiment: https://plato.stanford.edu/archIves/sum2020/entries/mental-imagery/perky-experiment.html
- ↑ Perky, C. W. (1910). An experimental study of imagination. The American Journal of Psychology, 21(3), 422-452.
- ↑ Perky phenomenon: https://www.oxfordreference.com/display/10.1093/oi/authority.20110803100318162?p=emailAezi2cF0DBVVY&d=/10.1093/oi/authority.20110803100318162
Bronne
[wysig | wysig bron]- Cooper, Cooper Sarah. Film and the Imagined Image. Edinburgh University Press, 2019.
- Proctor, Robert W., and Rand Evans. "EB Titchener, women psychologists, and the experimentalists." The American journal of psychology 127.4 (2014): 501-526.
- Calabi, Clotilde. "The Far Side of Things: Seeing, Visualizing and Knowing." Mind, Language and Action. De Gruyter, 2015. 335-346.
- Berger, Christopher C. Where imagination meets sensation: mental imagery, perception and multisensory Integration. Inst för neurovetenskap/Dept of Neuroscience, 2016.
- Dijkstra, Nadine, Peter Kok, and Stephen Fleming. "Perceptual reality monitoring: Neural mechanisms dissociating imagination from reality." (2021).
- Waller, David, et al. “A Century of Imagery Research: Reflections on Cheves Perky's Contribution to Our Understanding of Mental Imagery.” The American Journal of Psychology, vol. 125, no. 3, 2012, pp. 291–305. JSTOR [1]
- ↑ Waller, David; Schweitzer, Jeffrey R.; Brunton, J. Ryan; Knudson, Roger M. (2012). "A Century of Imagery Research: Reflections on Cheves Perky's Contribution to Our Understanding of Mental Imagery". The American Journal of Psychology. 125 (3): 291–305. doi:10.5406/amerjpsyc.125.3.0291. ISSN 0002-9556.