Chilesaurus

in Wikipedia, die vrye ensiklopedie

Chilesaurus
Tydperk: Laat Jura
'n Chilesaurus
Wetenskaplike klassifikasie
Koninkryk:
Filum:
Klas:
Superorde:
Orde:
Suborde:
Genus:
Chilesaurus

Novas, 2015
Tipespesie
Chilesaurus diegosuarezi
Chilesaurus
Kladistiese klassifikasie
Koninkryk: Animalia
Filum: Chordata
Klade: Dinosauria
Klade: Theropoda
Klade: Neotheropoda
Klade: Tetanurae
Genus: Chilesaurus
Novas, 2015

Chilesaurus is ’n uitgestorwe genus van teropode-dinosourusse waarvan fossiele in 2004 vir die eerste keer ontdek is deur die sewejarige Diego Suárez in die Toqui-formasie in Chili. Die genus bevat net een spesie, Chilesaurus diegosuarezi.[1] Chilesaurus het sowat 150 miljoen jaar gelede in die Laat Jura-periode gelewe.

Ontdekking[wysig | wysig bron]

’n Illustrasie van die kakebeen.

Fossiele van Chilesaurus, ’n rugwerwel en ’n rib, is op 4 Februarie 2004 deur die sewejarige Diego Suárez ontdek terwyl hy saam met sy ouers, die geoloë Manuel Suárez en Rita de la Cruz, in die Aysén-streek op soek was na sierstene. Nog bene is in 2008 ontdek en daar is geglo dat dit dié van verskeie spesies dinosourusse was wat saam gesterf het.[2] Eers later is besef die bene behoort tot dieselfde spesie met ’n vreemde kombinasie van eienskappe.

In 2015 is die tipe-spesie Chilesaurus diegosuarezi genoem, na Chili en Diego Suárez.[1]

Die holotipe, SNGM-1935, is gevind in die Toqui-formasie uit die geologiese tydsnede Laat Titonium. Dit bestaan uit die redelik volledige skelet en kopbeen van ’n jong dier, maar die pote en die grootste deel van die stert ontbreek. Nog vier skelette en verskeie bene van jong en volwasse diere is daarna gevind.[1]

Beskrywing[wysig | wysig bron]

Herkonstruksie
Grootte in vergelyking met 'n wolf

Chilesaurus was sowat 3,2 meter lank van sy neus tot sy stert. Sy mees buitengewone eienskap is sy tande, wat dié van ’n herbivoor is, terwyl sy dinosourusverwante, onder meer die Tyrannosaurus rex, vleisvreters was.

Verwysings[wysig | wysig bron]

  1. 1,0 1,1 1,2 Novas, F.E.; Salgado, L.; Suárez, M.; Agnolín, F.L.; Ezcurra, M.N.D.; Chimento, N.S.R.; de la Cruz, R.; Isasi, M.P.; Vargas, A.O.; Rubilar-Rogers, D. (2015). "An enigmatic plant-eating theropod from the Late Jurassic period of Chile". Nature. doi:10.1038/nature14307
  2. Salgado, L., De La Cruz, R., Suárez, M., Gasparini, Z. & Fernández, M., 2008, "First Late Jurassic dinosaur bones from Chile", Journal of Vertebrate Paleontology 28: 529–534

Verdere leesstof[wysig | wysig bron]