China-Indië skermutselings van 2020

in Wikipedia, die vrye ensiklopedie
'n CIA-kaart van Kasjmir
Die kaart toon die Indiese en Chinese aansprake op die grens in die Aksai Chin-streek, die Macartney-MacDonald-lyn, die Foreign Office Line, asook die vordering van Chinese magte terwyl hulle gebiede gedurende die Sino-Indiese oorlog beset het.

Die skermutselings tussen China en Indië in 2020 vorm deel van 'n voortdurende militêre dooiepunt tussen ˞Chinese en Indiese magte op die betwiste grens tussen die twee lande. Sedert 5 Mei 2020 is Chinese en Indiese soldate betrokke by aggressiewe optrede en skermutselings op plekke langs die Chinees-Indiese grens. Die magte het op 16 Junie 2020 kontak gemaak wat gelei het tot die dood van 20 Indiese soldate (waaronder 'n offisier).[1] Die Indiese media het beweer dat ten minste 43 Chinese soldate ook dood of ernstig beseer is (insluitend die dood van 'n offisier).[2][3] Voorvalle het naby die Pangongmeer in Ladakh en die Naku La-pas in Sikkim plaasgevind. Daarbenewens is daar direkte konfrontasies op plekke in die oostelike Ladakh, langs die Lyn van Werklike Kontrole (Line of Actual Control - LAC), wat bestaan sedert die Chinees-Indiese oorlog van 1962. Onlangs het die Chinese magte beswaar gemaak teen die Indiese padkonstruksie naby die Indiese Galwanriviervallei.[4]

Te midde van die spanning het Indië die gebied versterk met 12 000 addisionele werkers wat sou help met die voltooiing van die ontwikkeling van Indiese infrastruktuur.[5][6] Die eerste trein met meer as 1 600 werkers het op 14 Junie 2020 van Udhampur na Jharkhand vertrek, waarvandaan hulle verder gaan om vir Indië se Border Roads Organisation (BRO) naby die Indies-Chinese grens te werk.[7][8] Kundiges het gesê dat die spanning volg op Chinese reaksie op die konstruksiewerk aan die Darbuk – Shyok – DBO Pad-infrastruktuurprojek in Ladakh.[9] Die Chinese het ook hul infrastruktuurontwikkeling in hierdie betwiste grensstreke uitgebrei.[10]

Die herroeping van die spesiale status van Jammu en Kasjmir in Augustus 2019 deur die Indiese regering het die Chinese ook bekommer.[11] Indië en China het egter albei volgehou dat daar genoeg bilaterale meganismes is om die situasie deur stille diplomasie op te los.[12] Na die konflik in die Galwanevallei op 15 Junie het talle Indiese regeringsamptenare gesê dat grensspanning nie die handel tussen Indië en China sal beïnvloed nie, ondanks enkele Indiese veldtogte om Chinese produkte te boikot.[13][14]

Verwysings[wysig | wysig bron]

  1. ↑ "India soldiers killed in clash with Chinese forces". BBC News (in Engels (VK)). 16 Junie 2020. Geargiveer vanaf die oorspronklike op 26 Junie 2020. Besoek op 16 Junie 2020.
  2. ↑ Commanding Officer of Chinese Unit among those killed in face-off with Indian troops in Galwan Valley
  3. ↑ "Chinese military urges India to return to correct track of dialogue, negotiations" (in Engels). People's Daily. 17 Junie 2020. Geargiveer vanaf die oorspronklike op 17 Junie 2020. Besoek op 17 Junie 2020.
  4. ↑ Philip, Snehesh Alex (24 Mei 2020). "Chinese troops challenge India at multiple locations in eastern Ladakh, standoff continues". The Print. Besoek op 24 Mei 2020.
  5. ↑ Singh, Rahul; Choudhury, Sunetra (31 Mei 2020). "Amid Ladakh standoff, 12,000 workers to be moved to complete projects near China border". Hindustan Times (in Engels). Geargiveer vanaf die oorspronklike op 4 Junie 2020. Besoek op 4 Junie 2020.
  6. ↑ "Amid border tension, India sends out a strong message to China". Deccan Herald (in Engels). 1 Junie 2020. Geargiveer vanaf die oorspronklike op 4 Junie 2020. Besoek op 4 Junie 2020.
  7. ↑ Kumar, Rajesh (14 Junie 2020). "CM flags off train with 1,600 workers for border projects | Ranchi News – Times of India". The Times of India (in Engels). Besoek op 15 Junie 2020.{{cite news}}: AS1-onderhoud: url-status (link)
  8. ↑ "Special Train Carrying Construction Workers For BRO Work in Ladakh Reaches J&K's Udhampur". CNN-News18 (in Engels). PTI. 15 Junie 2020. Geargiveer vanaf die oorspronklike op 17 Junie 2020. Besoek op 15 Junie 2020.{{cite news}}: AS1-onderhoud: ander (link)
  9. ↑ "Indian border infrastructure or Chinese assertiveness? Experts dissect what triggered China border moves". The Indian Express (in Engels). 26 Mei 2020. Geargiveer vanaf die oorspronklike op 1 Junie 2020. Besoek op 26 Mei 2020.
  10. ↑ Desai, Shweta (3 Junie 2020). "Beyond Ladakh: Here's how China is scaling up its assets along the India-Tibet frontier". Newslaundry (in Engels). Geargiveer vanaf die oorspronklike op 5 Junie 2020. Besoek op 5 Junie 2020.
  11. ↑ Krishnan, Ananth (12 Junie 2020). "Beijing think-tank links scrapping of Article 370 to LAC tensions". The Hindu. ISSN 0971-751X. Besoek op 15 Junie 2020.
  12. ↑ Roche, Elizabeth (8 Junie 2020). "India, China to continue quiet diplomacy on border dispute". livemint.com (in Engels). Geargiveer vanaf die oorspronklike op 9 Junie 2020. Besoek op 9 Junie 2020.
  13. ↑ Suneja, Kirtika; Agarwal, Surabhi (17 Junie 2020). "Is This Hindi-Chini Bye Bye on Trade Front? Maybe Not: No immediate impact likely on business relations, say govt officials" (print version). The Economic Times.{{cite news}}: AS1-onderhoud: url-status (link)
  14. ↑ Pandey, Neelam (16 Junie 2020). "Traders' body calls for boycott of 3,000 Chinese products over 'continued' border clashes". ThePrint (in Engels). Geargiveer vanaf die oorspronklike op 18 Junie 2020. Besoek op 17 Junie 2020.
Ontsluit van "https://af.wikipedia.org/w/index.php?title=China-Indië_skermutselings_van_2020&oldid=2556784"