Christopher Ainslie
 | Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Christopher Ainslie | |
|---|---|
| Gebore | 1978 |
| Beroep(e) | Sanger |
| Instrumente | Stem |
Christopher Ainslie (1978-) is 'n Suid-Afrikaanse kontra-tenoor wat as een van die leidende vertolkers van kontra-tenoorrolle beskou word. Hy tree gereeld in Suid-Afrika, Brittanje en Europa op.
Ainslie bestudeer finansies aan die Universiteit van Kaapstad, waarna hy sy loopbaan as 'n geoktrooieerde rekenmeester begin. In 2005 vestig hy hom in Londen, studeer aan die Royal College of Music, waar hy met onderskeiding slaag. Hy maak sy debuut in 2008 in die Koninklike Operahuis in sir Harrison Birtwistle se opera, The Minotaur.[1]
In 2007 wen hy die Michael Olivier-prys in die Händel-sangkompetisie en in 2008 is hy die eerste kontra-tenoor wat die Richard Tauber-kompetisie wen. In 2011 het hy die eerste plek in die Gianni Bergamo-kontra-tenoorkompetisie behaal.[2]
Verwysings[wysig | wysig bron]
- ↑ Drie van SA kry lof vir opera in Londen, Volksblad, 23 November 2009
- ↑ HAT Taal-en-feitegids, Pearson, Desember 2013, ISBN 978-1-77578-243-8
