Christopher Nupen

in Wikipedia, die vrye ensiklopedie
Jump to navigation Jump to search

Christopher Nupen is 'n Suid-Afrikaans gebore rolprentmaker wat woonagtig is in die Verenigde Koninkryk ,en wat spesialiseer in biografiese dokumentêre oor musikante.

Nupen was gebore in Suid-Afrika in 'n gesin van Noorweegse afkoms. Sy vader, E.P. Nupen (1902-1977) was 'n toetsspeler in krieket. Sy moeder was Claire (Doombie) Nupen, née Meikle.

In 1962 het hy die dokumentêr High Festival In Siena gemaak oor die somermusiekskool by die Accademia Musicale Chigiana in Siena vir BBC Radio Three, en hy was gevolglik uitgenooi deur Huw Weldon om rolprente vir die BBC te maak. Met die gebruikmaking van die nuut ontwikkelde, geruislose 16mm rolprentkameras, het hy 'n nuwe, intieme styl van biografiese rolprente ontwikkel, beginnende met Double Concerto in 1966, welke 'n samewerkingspoging was deur Vladimir Ashkenazy en Daniel Barenboim.[1] In 1968 was hy die medestigter van Allegro Films,[2] welke aan van die vroegste onafhanklike televisie produksiemaatskappye in die Verenigde Koninkryk was. Nupen sou aangaan om oor die 80 rolprent- en televisieproduksies oor musiek te maak.

The Trout, sy rolprent van 'n opvoering van Schubert se Forelkwintet deur Jacqueline du Pré, Daniel Barenboim, Itzhak Perlman, Pinchas Zukerman en Zubin Mehta op 30 Augustus 1969 by die Queen Elizabeth Saal in Londen, het die maatstaf van die klassieke musiek-uitsaaiwese geword. Die rolprent was geskiet in 'n enkele week in Augustus 1969. The Trout het waarskynlik die klassieke musiek rolprent wat die meeste uitgesaai is, geword.[3] The Trout het die TZ Rose in 1973 gewen.[4]Nupen het ook die dokumentêre rolprent The Greatest Love and The Greatest Sorrow gemaak, wat fokus op Schubert se verstommende prestasies gedurende die laaste 20 jaar van sy lewe.[5]Na die dood van Schubert se god, Beethoven, het Schubert die vraag gevra: "Wer vermag, nach Beethoven, noch etwas zu machen?" (Wie sal waag om enigiets te doen, na Beethoven?). Die antwoord op hierdie vraag was natuurlik, Franz Peter Schubert.The Greatest Love and The Greatest Sorrow was genomineer by Banff, en het in 1994 die Czech Crystal prys gewen in Praag.Sommige is van oordeel dat dit Allegrofilms se beste film van alle tye is.[6]

Sy noue vriendskap met baie van die kunstenaars wat die onderwerpe van sy rolprente was, het hom boonop in staat gestel om op briljante wyse die 'gees' van die kunstenaar se werk weer te gee, soos die geval is met Jacqueline Du Pré In Portrait.[7]

Sy 2004 rolprent We Want The Light eksploreer die betekenis van musiek in die menslike ondervinding, met die fokus op verhoudinge tussen Jode en Duitsers.[8]

In Januarie 2008 was hy 'n gas op die program Private Passions op BBC Radio 3.[9]

Bronne[wysig | wysig bron]

  1. ArtsDesk:Christopher Nupen on Filming Music and Musicians
  2. Allegro Films
  3. www.allegrofilms.com Opgespoor op 17-03-2019.
  4. www.allegrofilms.com Opgespoor op 13-03-2019.
  5. www.allegrofilms.com Opgespoor op 13-03-2019.
  6. www.allegrofilms.com Opgespoor op 13-03-2019.
  7. Musicweb: "Christopher Nupen talks to Anne Ozorio about the release of a series of Allegro Films on DVD"
  8. Musicweb: Review
  9. BBC Radio 3