Wys bron van Ciskei

{{Infoboks Voormalige Land
|native_name            = ''Ciskei''
|conventional_long_name = iRiphabliki ye Ciskei
|common_name            = Ciskei
|continent              = Afrika
|region                 = Suidelike Afrika
|country                = Suid-Afrika
|era                    = [[Apartheid]]
|status                 = [[Bantoestan]]
|year_start             = 1981
|year_end               = 1994
|date_start             = 1 Augustus
|date_end               = 27 April
|event_start            = Stigting
|event_end              = Weer ingelyf in Suid-Afrika
|p1                     = Suid-Afrika
|flag_p1                = Flag of South Africa (1928-1994).svg
|s1                     = Suid-Afrika
|flag_s1                = Flag of South Africa.svg
|image_flag             = Flag of Ciskei.svg
|image_coat             = Coat of arms of Ciskei.svg
|image_map              = Ciskei in South Africa.svg
|image_map_caption      = Ligging van Ciskei in Suid-Afrika
|national_motto         = Siyakunqandwa Ziinkwenkwezi
|national_anthem        = [[Nkosi sikelel'i Afrika]]
|capital                = [[Bhisho]]
|common_languages       = [[Xhosa]]
|government_type        = Republiek
|title_leader           = Hoofminister
|leader1                = Thandatha Jongilizwe Mabandla (1972–1973)
|leader2                = [[Lennox Sebe]] (1973–1990)
|leader3                = Oupa Gqozo (1990–1994)
|legislature            = Parlement
|house1                 = Nasionale Vergadering
|house2                 = 
|stat_year1             = 1994
|stat_area1             = 8100
|stat_pop1              = 1088476
|currency               = [[Suid-Afrikaanse Rand]]
|footnotes              = 
}}

Die '''Ciskei''' is 'n voormalige gebied in die provinsie [[Oos-Kaap]] van Suid-Afrika met 'n oppervlak van 8&nbsp;500 vierkante kilometer, wat van [[1981]] tot [[1994]] as een van die [[bantoestan|tuislande]] 'n onafhanklike status geken het. Net soos die [[Transkei]] is Ciskei al eeue lank deur [[Xhosas|Xhosa-stamme]] bewoon.

[[Lêer:Ciskei2.jpg|duimnael|links|'n Landelike gebied in die ou Ciskei]]
Ciskei het 'n gematigde klimaat met somer[[reën]] en droë winters. 'n Aantal groot riviere word hier aangetref, soos die [[Groot-Visrivier]], die [[Buffelsrivier (Oos-Kaap)|Buffelsrivier]] en [[Keiskammarivier]]. Die gebied beskik oor verruklike natuurskoon in die [[Amatholeberge]] en langs sy kuslyn met die [[Indiese Oseaan]], wat met lang sandstrande en inheemse woude spog. Die Tsolwana-wildreservaat aan die oewer van die [[Swart-Keirivier]] is die belangrikste natuurbewaringsgebied, wat in [[1979]] gestig is. Dit beslaan 'n oppervlak van 10&nbsp;000 hektaar.

Bekende besienswaardighede is die slagvelde van die Hintsas-oorlog, die [[Duitse]] Setlaarskerk en die Ntaba Kandoda-monument, wat aan Ciskei se Xhosa-stamhoofde gewy is. Dis ook die tuiste van die [[Universiteit van Fort Hare]] in [[Alice, Oos-Kaap|Alice]] (eDikeni).

== Geskiedenis ==
[[Lêer:Topographic map of the Ciskei.svg|duimnael|links|Topografiese kaart van die Ciskei]]
In die Britse tyd was die gebied die strydtoneel van die Xhosa-oorloë en talle forte soos Fort Fordyce, Fort Hare, Fort Beaufort, Fort Peddie en so meer word daar gebou. Om die gebied onder Britse gesag te bring word daar Mfengu en Duitse koloniste gevestig.

Ciskei het op [[1 Augustus]] [[1981]] onafhanklik geword, met [[Bhisho]] as hoofstad, alhoewel die nuwe staat nie deur ander lande behalwe Suid-Afrika erken is nie. Die grootste stad is [[Mdantsane]] met meer as 156&nbsp;000 inwoners. Die onafhanklikheid het die laaste blankes uit die gebied verdryf, veral na [[Fort Beaufort]]. Blanke wetenskaplikes wat aan die Universiteit van Fort Hare werk moes twee keer per dag die grens oorsteek.

Die Ciskei word onafhanklik onder Lennox Sebe. Aanvanklik het sy jonger broer Charles verantwoordelikheid aanvaar vir die ''Ciskei Intelligence Sevice''. In 1984 word hy uit die pos verwyder omrede Lennox hom nie meer vertrou nie. Daar ontstaan onenigheid met Transkei se leier Matanzima wat probeer om 'n staatsgreep op Sebe te organiseer. Transkeise agente bevry Charles Sebe uit die tronk en ontvoer Lennox se enigste seun, maar die Transkeiers word in 'n militêre slag by die presidensiële paleis verslaan en die Sebe-regering behou sy mag.<ref name="Nauta">''The Implications of Freedom: The Changing Role of Land Sector NGOs in a Transforming South Africa'', Uitgawe 6 van Politics and economics in Africa {{Outeur|Wiebe Nauta}}, 2004 ISBN 3-8258-7798-1, ISBN 978-3-8258-7798-9</ref>

In 1985 probeer Sebe sy land tot ekonomiese sukses lei deur dit 'n ekonomiese vryhawe vir buitelandse beleggers te maak. Dit was op Hongkong se model gebaseer. Hy kry genoeg beleggings uit Israel en Taiwan dat daar inderdaad van 'n ekonomiese oplewing gepraat kan word. Sebe geniet daardeur 'n mate van aansien in die Ciskei, wie die ANC as 'n bedreiging met hul anti-bantustan-politiek sien. Op 2 Maart 1990 egter, net 'n maand ná die vrylating van Mandela, is Sebe op besoek in die Verre Ooste. Brigadier Oupa Gqozo maak van sy afwesigheid gebruik om die mag oor te neem.<ref>''Third World, Issues 24-26'', Third World Editors (Association), Tricontinental Editôra, 1990</ref>

Die UDF/ANC-alliansie verwelkom aanvanklik hierdie oorname in die veronderstelling dat hulle 'struggle' en proteste nou resultate sal lewer. Aanvanklik doen Oupa Gqozo hom voor as 'n demokraat en hy soek toenadering tot die ANC. Dit duur egter nie lank voor hy sy onderdrukkende kant toon en die ANC hom daarvan verdink dat hy 'n handlanger van Pretoria se regering is nie. Gqozo klou tot die bitter einde aan die mag en dit lei in 1992 tot die Bisho-slagting waar sy veiligheidsmagte op 'n pro-ANC-betoging vuur en 29 mense doodskiet. Uiteindelik word hy in 1994 gedwing om Ciskei weer by Suid-Afrika in te lyf.<ref name="Nauta" />

Na die [[Suid-Afrikaanse algemene verkiesing van 1994|eerste demokratiese verkiesing in 1994]] is die tuisland weer by die [[Republiek van Suid-Afrika]] ingelyf, en wel op 12 Augustus 1994. Sedertdien maak dit in sy geheel deel uit van die provinsie [[Oos-Kaap]].

== Verwysings ==
{{Verwysings}}

== Eksterne skakels ==
{{CommonsKategorie-inlyn}}
* {{en}} {{cite web|url=https://www.britannica.com/place/Ciskei|title=Ciskei|publisher=[[Encyclopædia Britannica]]|accessdate=24 Junie 2019}}

{{SA-Tuisland}}

[[Kategorie:Suid-Afrikaanse Bantoestans]]
[[Kategorie:Oos-Kaap]]