Clements Kadalie

Clements Kadalie (1896 - 1951) was 'n aktivis en vakbondleier vir die swartmense. Hy is gebore in die destydse Njassaland. Hy kom na die Unie van Suid-Afrika en vestig hom in Kaapstad waar hy in 1919 deelneem aan die staking van nie-blanke dokwerkers. Hieruit ontwikkel die Industrial and Commercial Workers Union (I.C.U.) waarvan hy die leier was tot die ontbinding van die kragtige organisasie.

Kadalie het groot vernuf getoon en het met sowel Kleurling- as Indiër-organisasies saamgewerk. Hy het herhaaldelik met die polisie gebots. Hy het later in Oos-Londen afgetree waar hy 1951 oorlede is. Rhoda Kadalie is sy kleindogter.

Bronne

• Rosenthal, Eric (red.). Ensiklopedie van Suidelike Afrika. Londen en New York: Frederick Warne & Kie Bpk.