Cleopatra VII

in Wikipedia, die vrye ensiklopedie
Spring na: navigasie, soek
Cleopatra VII
Cleopatra VII Thea Philopator
Borsbeeld van Cleopatra VII (Altes Museum, Berlyn).
Borsbeeld van Cleopatra VII (Altes Museum, Berlyn).
Farao van die Ptolemeïese Dinastie
Periode 51 v.C.12 Augustus 30 v.C. (21 jaar)
Voorganger Ptolemeus XII Auletes
Vader Ptolemeus XII Auletes
Moeder Cleopatra V (vermoedelik)
Gebore 69 v.C.
Alexandrië, Egipte
Oorlede 12 Augustus 30 v.C. (op 39)
Alexandrië
Cleopatra VII in Egiptiese hiërogliewe
Serech of Horusnaam
G5
wr
r
nb nfr nfr nfr H2
x
O22
Srxtail.jpg
Nomen of geboortenaam
G39 N5
 
Hiero Ca1.svg
q
rw
i wA p A d
r
t A H8
Hiero Ca2.svg
Portaal  Portaalicoon   Antieke Egipte

Cleopatra VII Philopator (Grieks: Κλεοπάτρα Φιλοπάτωρ; 69 v.C. – 12 Augustus 30 v.C.), in die geskiedenis bekend as Cleopatra of Kleopatra, was 'n koning van Egipte. Sy was die laaste aktiewe farao van Antieke Egipte en was bekend vir haar skoonheid. Sy was eers die minnares van Julius Caesar en later dié van Marcus Antonius. Nadat sy en Antonius deur Octavianus se weermag verslaan is, het sy volgens oorlewering met 'n Egiptiese kobra selfmoord gepleeg.[1] Sy is net vir ’n kort rukkie deur haar seun en medeheerser Caesarion oorleef. Haar naam is afgelei van die Antieke Griekse naam Κλεοπατρα (Cleopatra), wat beteken "glorie van die vader".[2][3]

Bewind[wysig | wysig bron]

Cleopatra het tot die Ptolemeïese Dinastie behoort, ’n familie van Griekse oorsprong wat ná Alexander die Grote se dood oor Egipte regeer het tydens die Hellenistiese tydperk. Sy het haar laat vereer as die Egiptiese godin Isis. Cleopatra het aanvanklik regeer saam met haar pa, Ptolemeus XII Auletes, en later saam met haar broers, Ptolemeus XIII en Ptolemeus XIV – met wie sy volgens Egiptiese tradisie getroud is. Sy het egter later die alleenheerser geword. As farao het sy ’n verhouding met Julius Caesar aangeknoop, wat haar houvas op die troon verstewig het. Sy het later haar seun by Caesar, Caesarion, as medeheerser in naam aangewys.

Sy het Caesar na Rome gevolg, maar ná sy moord in 44 v.C na Egipte teruggekeer, waar sy ’n verhouding met Marcus Antonius aangeknoop en saam met hom Caesar se wettige erfgenaam, Gaius Julius Caesar Octavianus (later bekend as Augustus), teengestaan het. By Antonius het sy drie kinders gehad: die tweeling Cleopatra Selene II en Alexander Helios, en nog ’n seun, Ptolemeus Philadelphus. Nadat hulle in die Slag van Actium deur Octavianus se magte verslaan is, het Antonius selfmoord gepleeg en Cleopatra het sy voorbeeld op 12 Augustus 30 v.C. gevolg.[4]

Sy is vir ’n kort rukkie oorleef deur haar seun Caesarion, wat deur sy ondersteuners as farao aangewys is, maar hy is kort daarna op bevel van Octavianus vermoor. Egipte het toe die Romeinse provinsie Aegyptus geword.

Nalatenskap[wysig | wysig bron]

Cleopatra is vandag steeds ’n gewilde figuur in die Westerse kultuur. Sy leef voort in verskeie kunswerke en baie dramatiserings van haar lewe, onder meer William Shakespeare se tragedie Antonius en Cleopatra (Antony and Cleopatra) en die 1963-rolprent Cleopatra. In die meeste gevalle word sy as ’n groot skoonheid uitgebeeld en haar opeenvolgende verhoudings met van die wêreld se magtigste mans word beskou as ’n teken van haar estetiese en seksuele aantrekkingskrag.

Verwysings[wysig | wysig bron]

  1. HAT Taal-en-feitegids, Pearson, Desember 2013, ISBN 978-1-77578-243-8
  2. "Cleopatra: Meaning & History". Behind the Name.com. Verkry op 4 April 2014. 
  3. "Kleopatros: Meaning & History". Behind the Name.com. Verkry op 4 April 2014. 
  4. "Who Was Cleopatra? (bl. 2)". Smithsonian Magazine. Verkry op 2008-01-22. 

Bibliografie[wysig | wysig bron]

  • Swart, Marius J.: Raar leiers. Stellenbosch: U.U.B., 1967.

Eksterne skakels[wysig | wysig bron]