Gaan na inhoud

Cody Gakpo

in Wikipedia, die vrye ensiklopedie
Cody Gakpo

Gakpo met Liverpool in 2025
Persoonlike inligting
Geboortedatum7 Mei 1999 (1999-05-07) (26 jaar oud)
GeboorteplekEindhoven, Nederland
Lengte1,93 m
SpeelposisieLinkervleuel, aanvaller[1]
Klubinligting
Huidige klubLiverpool
Nommer18
Jeugloopbaan
2003–2007FC Eindhoven
2007–2016PSV
Seniorloopbaan*
JareSpanKere†(Doele)†
2016–2019Jong PSV26(17)
2018–2023PSV106(36)
2023–Liverpool100(28)
Nasionale span‡
2016–2017Nederland o/183(0)
2018Nederland o/193(0)
2018Nederland o/205(4)
2019–2021Nederland o/2113(7)
2021–Nederland44(18)
* Kere vir seniorklub uitgedraf en doele is net vir die plaaslike liga. en korrek soos op 25 Oktober 2025.

† Kere uitgedraf (Doele).

‡ Nasionale spankere en -doele korrek soos op 12 Oktober 2025

Cody Mathès Gakpo (gebore 7 Mei 1999) is ’n Nederlandse professionele sokkerspeler wat as linkervleuel of sentraal-aanvaller speel vir die Premierliga-klub Liverpool en die Nederlandse nasionale span.

As ’n Akademieproduk van PSV het Gakpo sy debuut vir die eerste span in Februarie 2018 gemaak. In die 2021/22-seisoen het hy die toekenning vir Nederlandse Sokkerspeler van die Jaar gewen nadat hy 21 doele in 47 wedstryde in alle kompetisies aangeteken het. Hy het in Januarie 2023 by Liverpool aangesluit.

Gakpo het vir Nederland op jeugdvlak gespeel, van onder-18 tot onder-21. Hy het sy debuut op seniorvlak gemaak in Junie 2021 tydens die Europese Kampioenskap.

Klubloopbaan

[wysig | wysig bron]

PSV

[wysig | wysig bron]

Cody Gakpo het sy professionele loopbaan by Jong PSV begin, waar hy in die 2016/17-seisoen sy debuut in die Eerste Divisie gemaak het teenHelmond Sport. Ná ’n sterk 2017/18-seisoen in die Onder-19 Eredivisie, waarin hy sewe doele en vyf assists aangeteken het, is hy na die reserwes bevorder en het in 12 liga-wedstryde sewe doele vir Jong PSV aangeteken.[2]

Hy het sy debuut vir die eerste span van PSV op 25 Februarie 2018 gemaak in ’n 3–1-wen teen Feyenoord.[3] In die 2018/19-seisoen het hy sy eerste professionele hattrick aangeteken teen Go Ahead Eagles.[4] Teen die einde van die jaar was hy ’n gereelde lid van die eerste span. Hy het sy deurbraak in die 2019/20-seisoen gemaak met sewe doele en sewe assists in 25 liga-wedstryde.[2]

In die 2020/21-seisoen het hy 11 doele in 29 wedstryde aangeteken.

Op 17 April 2022 het hy die wen-doel vir PSV in die KNVB-bekerfinaal teen Ajax aangeteken.[5]

Liverpool

[wysig | wysig bron]

Op 28 Desember 2022 het Gakpo ooreengekom om by Premierliga-klub Liverpool aan te sluit sodra die oordragvenster op 1 Januarie 2023 oopgemaak is.[6] Hy het ’n kontrak van vyf en ’n half jaar onderteken vir ’n oordragfooi tussen £35,4 en £44,3 miljoen (€40–50 miljoen), wat ’n rekordfooi vir PSV sou wees.[7] Hy het op 7 Januarie 2023 sy debuut gemaak as starter in ’n 2–2 gelykop-wedstryd teen Wolverhampton Wanderers in die FA Cup-derde ronde. Gakpo het sy eerste doel vir Liverpool op 13 Februarie 2023 in ’n 2–0 Merseyside-derby-wen teen Everton aangeteken.[8]

Hy het sy eerste trofee met Liverpool in die 2023/24-seisoen gewen en was die tweede hoogste doelskieter van die kompetisie in die klub se 10de EFL Cup-wen.[9] Gakpo het die gelykmaker in ’n 2–2-gelykop teen Manchester United op 5 Januarie 2025 geskop. Gedurende die 2024/25-seisoen het hy ’n deurslaggewende rol in Liverpool se Premierliga-kampioenskap gespeel, insluitend ’n doel in ’n 5–1-wen teen Tottenham Hotspur wat die titel verseker het in sy eerste seisoen onder die nuwe afrigter en medelandgenoot Arne Slot. Op 30 Augustus 2025 het hy ’n nuwe langtermynkontrak met die klub onderteken.[10]

Internasionale loopbaan

[wysig | wysig bron]

Gakpo was internasionaal vir die Nederland, Ghana of Togo kwalifiseerbaar, maar hy het op jeugdvlak vir Nederland gespeel, van onder-18 tot onder-21.[11][12]

Hy is opgeroep na die seniorspan vir die Europese Kampioenskap in 2021 en het sy debuut in die derde wedstryd van die groepsfase teen Noord-Masedonië gemaak as plaasvervanger in die 79ste minuut.[13] Dit het hom die eerste Nederlandse speler gemaak wat sedert 1980 by ’n Europese Kampioenskap sy internasionale debuut gemaak het.

Gakpo het sy eerste begin vir Nederland gemaak in ’n Wêreldbeker-kwalifiseerder teen Noorweë op 1 September 2021 en drie dae later sy eerste senior-doel aangeteken in ’n 4–0-wen teen Montenegro.[14][15] Hy is ook opgeroep vir die Wêreldbekertoernooi in Katar, waar hy in drie opeenvolgende groepwedstryde teen Senegal, Ecuador en Katar geskop het.

Hy is in die Nederlandse span vir die Europese Kampioenskap in 2024 ingesluit en is speler van die wedstryd in die openingswedstryd teen Pole (2–1), waarin hy Nederland se eerste doel van die toernooi aangeteken het.[16] Hy het dieselfde eer ontvang in die rondte van 16 teen Roemenië, waar hy die eerste doel geskop en ’n assist gelewer het in ’n 3–0-wen. Met drie doele in die toernooi het hy die Goue Stiefel (Golden Boot) ontvang, saam met vyf ander spelers.[17]

Persoonlike lewe

[wysig | wysig bron]

Gakpo is in Eindhoven gebore en in die distrik Stratum grootgemaak.[18] Sy pa is in Togo gebore en het Ghanese afkoms, terwyl sy ma Nederlands is.[19][20][21]

Gakpo is ’n Pinkster-Christen.[22][23][24] Hy het gesê: “Ek probeer elke dag die Bybel lees, ek bid elke dag, ek gaan graag kerk toe en ek lees baie boeke oor die geloof.” Tydens die Wêreldbeker in 2022 het hy, saam met Memphis Depay, ’n Bybelstudie gelei vir vyftien ander Nederlandse spanmaats. Hy het sy eerste kind, ’n seun, in April 2025 saam met sy maat Noa van der Bij verwelkom.[25]

Verwysings

[wysig | wysig bron]
  1. ↑ "Cody Gakpo: Profile". worldfootball.net. HEIM:SPIEL. Besoek op 14 April 2024.
  2. ↑ 2,0 2,1 "Cody Gakpo » Club matches". worldfootball.net. Besoek op 17 Augustus 2021.
  3. ↑ "Geboren Eindhovenaar Cody Gakpo maakt officiële debuut in eerste elftal". PSV.supporters.nl. 25 Februarie 2018. Besoek op 9 Augustus 2022.
  4. ↑ Elfrink, Rik (3 Desember 2018). "Jong PSV maakt met grootse Gakpo schroot van de aspiraties van Go Ahead Eagles". Eindhovens Dagblad (in Nederlands).
  5. ↑ "PSV VS. AJAX 2–1". Soccerway. Perform Group. Besoek op 29 Mei 2022.
  6. ↑ "Liverpool reach agreement for Cody Gakpo transfer". Liverpool F.C. 28 Desember 2022. Besoek op 28 Desember 2022.
  7. ↑ "Cody Gakpo: Liverpool reach agreement with PSV Eindhoven to sign forward". BBC Sport. 28 Desember 2022. Besoek op 28 Desember 2022.
  8. ↑ "Liverpool 2–0 Everton". BBC Sport. 13 Februarie 2023. Besoek op 14 Februarie 2023.
  9. ↑ McNulty, Phil (25 Februarie 2024). "Carabao Cup final: Chelsea 0–1 Liverpool (aet) – Virgil van Dijk extra-time winner gives Reds Wembley glory". BBC Sport.
  10. ↑ "Cody Gakpo signs new Liverpool FC contract". Liverpool F.C. 30 Augustus 2025. Besoek op 30 Augustus 2025.
  11. ↑ "Netherlands coach eyes Ghanaian youngster Gakpo". Dailymailgh. 14 Augustus 2019. Geargiveer vanaf die oorspronklike op 17 Desember 2022. Besoek op 9 Augustus 2022.
  12. ↑ "Ghanaian striker Cody Gakpo delighted to sign new long-term deal with PSV Eindhoven". GhanaWeb. 29 Desember 2020. Besoek op 9 Augustus 2022.
  13. ↑ "Gakpo schrijft historie met Oranje-debuut". Voetbal International (in Nederlands). 21 Junie 2021.
  14. ↑ "Netherlands scrapes draw with Norway in van Gaal return". BeIN Sports. 2 September 2021. Besoek op 11 November 2023.
  15. ↑ "Netherlands 4–0 Montenegro: Memphis Depay stars in important World Cup qualifying win". BBC Sport. BBC. 4 September 2021.
  16. ↑ "Poland 1–2 Netherlands: Super-sub Weghorst secures Oranje win". UEFA. 14 Junie 2024. Besoek op 16 Junie 2024.
  17. ↑ "Euro 2024 Golden Boot: Harry Kane, Dani Olmo among 6 winners". ESPN. 14 Julie 2024. Besoek op 15 Julie 2024.
  18. ↑ Boeringa, Reon (9 Oktober 2019). "Cody Gakpo: van Stratum naar de spotlights". Voetbal International (in Nederlands).
  19. ↑ Elfrink, Rik (1 Junie 2019). "Cody Gakpo leeft de droom van bijna elke Eindhovense jongen". Eindhovens Dagblad (in Nederlands).
  20. ↑ "Ghana coach reveals talks with Dutch players". Football Oranje. 17 Oktober 2019.
  21. ↑ "EXCLUSIVE: Ghanaian sensation Cody Gakpo extends contract with Dutch giants PSV Eindhoven". Kickgh.com. 12 September 2019. Geargiveer vanaf die oorspronklike op 9 November 2019. Besoek op 27 Oktober 2025.
  22. ↑ Pearce, James (31 Julie 2023). "Cody Gakpo: Bible lessons, his best role at Liverpool and making up for last season". The Athletic. Besoek op 27 Januarie 2024.
  23. ↑ archysport (7 Desember 2022). "Cody Gakpo: 'I try to transfer the lessons from my church to others as best I can'". Archysport (in Engels (VSA)). Besoek op 27 April 2024.[dooie skakel]
  24. ↑ Pearce, James (31 Julie 2023). "Cody Gakpo: Bible lessons, his best role at Liverpool and making up for last season". The New York Times (in Engels). Besoek op 26 Julie 2024.
  25. ↑ "Cody Gakpo and partner Noa reveal new baby's adorable name in Instagram post". Anfieldwatch.co.uk. 8 Mei 2025. Besoek op 25 September 2025.
Ontsluit van "https://af.wikipedia.org/w/index.php?title=Cody_Gakpo&oldid=2855995"