Comotor

in Wikipedia, die vrye ensiklopedie
Spring na: navigasie, soek

Die maatskappy Comotor SA (Frans: Compagnie Européenne de Construction de Moteurs Automobiles) is in April 1967 deur NSU en Citroën in Luxemburg opgerig nadat die maatskappye in 1964 die Geneve-gebaseerde gesamentlike dogtermaatskappy Comobil gestig het om 'n passasiersvoertuig met 'n wankelejin te ontwikkel. Comotor se doelwit was om Wankelenjins te vervaardig. In 1969 koop Comotor 850 000 m² grond in Altforweiler in Saarland, Duitsland om 'n fabriek te bou.

Comotor vervaardig die wankelenjin vir die Citroën M35 prototipe in 1969. Dit lei tot die ontwikkeling van die tweerotorenjin vir die Citroën GS Birotor wat in Maart 1974 bekendgestel word. 'n Comotorenjin baie soortgelyk aan die in die Birotor is gebruik in die Van Veen OCR 1000 motorfiets wat in klein getalle in die laat-70's verkoop is. In 1972 eindig NSU se verbintenis met Comotor toe Volkswagen, wat NSU intussen oorgeneem het, uit die samewerking ontrek.

Die luukse DeLorean Giugiaro-ontwerpte motor sou van uit die staanspoor met 'n Citroën Comotor Wankelenjin toegerus gewees het. Brandstofverbruik-oorwegings lei egter tot eksperimente met verskeie ander enjins en op die ou einde word die Frans vervaardigde Douvrin PRV (Peugeot - Renault - Volvo) brandstofinspuiting V-6 gebruik.

Die Citroën Marchetti RE2-helikopter met 'n Comotor 624 wankelenjin vlieg vir die eerste keer op 24 Desember 1975.

Comotor het baie noukeurige tegnieke gebruik om hulle enjins te vervaardig. Kruinseëls is in agt lengtes gebou sodat nou toleransies gehandhaaf kon word. Alle onderdele is ultrasonies skoongemaak voor dit aanmekaar gesit is. Individuele rotors is in groepe van 20 gram speling gesorteer en slegs rotors van dieselfde groep is in dieselfde enjin gebruik.

Comotor het tot 1980 bly bestaan. Comotorstraße in Altforweiler is na die maatskappy vernoem.

Eksterne skakels[wysig]