Constantin Fehrenbach

Constantin Fehrenbach, soms verkeerdelik Konstantin Fehrenbach (11 Januarie 1852 – 26 Maart 1926), was 'n Duitse politikus wat een van die hoofleiers van die Katolieke Sentrumparty was. Hy het in 1918 as president van die Reichstag gedien en daarna as president van die Weimar Nasionale Vergadering van 1919 tot 1920. In Junie 1920 het Fehrenbach Kanselier van Duitsland geword. Gedurende sy tyd in die amp was die sentrale kwessie wat hy in die gesig gestaar het, die Duitse nakoming van die bepalings van die Verdrag van Versailles. Hy het in Mei 1921 bedank toe sy kabinet nie 'n konsensus kon bereik oor oorlogsherstelbetalings aan die Geallieerdes nie. Fehrenbach het in die Reichstag gebly en die Sentrumparty se kontingent daar van 1923 tot sy dood in 1926 gelei.

Fehrenbach is beskou as deel van die Sentrumparty se linkervleuel, wat bekende politici soos Matthias Erzberger en Joseph Wirth ingesluit het, sowel as Katolieke werkersverenigings en Katolieke vakbonde.

Bronnelys

• Braun, Bernd. Politische Köpfe aus Südwestdeutschland . Kohlhammer,2005, (isbn -978-3-170-18700-9) Red Weber, Reinhold. Stuttgart.
• Grebing, Helga. https://www.deutsche-biographie.de/pnd118686402.html#ndbcontent Neue Deutsche Biographie 5, Duncker and Humblot, 1961. (isbn=978-3-428-00186-6), Berlyn, Aanlyn weergawe, hoofstuk Fehrenbach, Constantin.
• Jones, Larry Eugene, German Liberalism and the Dissolution of the Weimar Party System, 1918–1933. University of North Carolina Press, 1988, (isbn 978-1-469-61968-2), Chapel Hill.
• Thomas A. Knapp The German Center Party and the Reichsbanner: A Case Study in Political and Social Consensus in the Weimar Republic. International Review of Social History, Vol 14. Uitgawe 2, 1969, doi=10.1017/S0020859000003564.

Eksterne skakels

• Wikimedia Commons het meer media in die kategorie Constantin Fehrenbach.